Gappar Asenov

Asenov Gappar Asenovich
Tuwılǵan sánesi	15-may 1930-jılı(1930-05-15)
Tuwılǵan jeri	Xojeli rayonı
Qaytıs bolǵan sánesi	16-dekabr 2023-jılı(2023-12-16) (93 jasta)
Bilim alǵan jeri	Qaraqalpaq mámleketlik pedagogikalıq institutı
Ilimiy dárejesi	biologiya ilimleriniń doktorı
Ilimiy ataǵı	professor
Belgili tezis(ler)i	«Значение большой песчанки (Rhombomys opimus Licht.) в природной очаговости чумы на территории Республики Каракалпакстан» (1999)
Sıylıqları	Qaraqalpaqstan Respublikasına miyneti sińgen densawlıqtı saqlaw xızmetkeri Qaraqalpaqstan Respublikasına miyneti sińgen ilim ǵayratkeri

Asenov Gappar Asenovich (1930-2023) — biologiya ilimleriniń doktorı, professor.

Ózbekstan Respublikasınıń zoologiya, ekologiya, epizootologiya ham epidemologiya ilimlerinde ornı girewli ilimpaz, Qaraqalpaqstan Respublikasına miyneti sińgen den sawlıqtı saqlaw xızmetkeri, Qaraqalpaqstan Respublikasına miyneti sińgen ilim ǵayratkeri. Qánigeligi biolog.

Ómiri

Asenov Gappar Asenovich 1930-jılı 15-mayda Xojeli rayonında tuwılǵan. 2023-jılı 16-dekabr kúni 93 jasında dúnyadan ótti.

Ilim jolı

1954-jılı Qaraqalpaq mámleketlik pedagogikalıq institutın ayrıqsha diplom menen tamamlaǵan. 1968-jılı «Еkologiya grızunov oazisa nizovev Amudari i ix epizootologicheskoe i epidemiologicheskoe znachenie» atamasındaǵı kandidatlıq dissertaciyasın, 1999-jılı «Znachenie bolshoy peschanki (Rhombomys opimus Licht.) v prirodnoy ochagovosti chumı na territorii Respubliki Karakalpakstan» atamasındaǵı doktorlıq dissertaciyasın jaqladı.

Miynetleri

200 den aslam ilimiy miynetleri baspada járiyalandı. Sonıń ishinde 5 monografiya:

• «Ustyurtskiy ochag chumı» 1987;
• «Kızılkumskiy ochag chumı» 1991;
• «Prognozirovanie epizooticheskoy aktivnosti chumı v Priarale i Kızılkumax» 1992;
• «Kubla Aralda tábiyiy ortalıqtıń pataslanıwınıń ekologiyalıq jaǵdayǵa tásiri» 2010;
• «Osobennosti epidemiologii i profilaktiki chumı» 2006;

6 oqıw qollanbası baspadan shıqtı:

• «Omırtqalılar zoologiyasıboyınsha laboratoriyalıq jumıslarǵa qollanba» 1997;
• «Aral teńiziniń (Vozrojdenie) atawınıń haywanat dúnyası hám ekologiyası» 2002;
• «Qaraqalpaqstannıń haywanat dúnyası» 2008;
• «Qaraqalpaqstanda zoologiya iliminiń rawajlanıwı» 2009;
• «Еkologiya hám tábiyattı qorǵaw» 2011;
• «Qaraqalpaqstannıń omırtqalı haywanları faunası» 2013;
• 3 oqıw metodikalıq qollanbası «Qaraqalpaqstanda termitler tarqalıwınıń aldın alıw hám olarǵa qarsı gúres ilajları boyınsha metodikalıq qollanba» 2008;
• «Qaraqalpaqstanda tarqalǵan kemiriwshilerdiń anıqlaǵısh gilti» 2013;
• «Qoraqalpoǵistonda tarqalgan kemiruvchilarning aniqlagich kaliti» 2015;

Jası tuwralı maǵlıwmatlar

Asenov Gabbar tuwılǵan jılı hújjetlerde 1930-jıl dep kórsetilgen, biraq, jaqınlarınan alınǵan maǵlıwmat boyınsha, óziniń aytıwı boyınsha jası 93 jastan úlken bolǵanlıǵın 97 jasta ekenligi haqqında maǵlıwmatlar aytqan.