Georg II (Ullı Britaniya patshası)
| Georg II | |
|---|---|
inglisshe George II | |
 | |
.svg) .svg) | |
|
Wákillik dáwiri 1727-jıl 22-iyun — 1760-jıl 25-oktyabr | |
| Aldınǵı isker | Gerog I |
| Keyingi isker | Georg III |
.svg)  | |
|
Wákillik dáwiri 1727-jıl 22-iyun — 1760-jıl 25-oktyabr | |
| Aldınǵı isker | Gerog I |
| Keyingi isker | Georg III |
.svg) | |
| Aldınǵı isker | Gerog I |
| Keyingi isker | Georg III |
| Jeke maǵlıwmatları | |
| Tuwılǵan sáne | 1683-jıl 10-noyabr |
| Tuwılǵan jeri | Gannover, Braunshveyg-Lyunenburg, Muqaddes Rim imperiyası |
| Qaytıs bolǵan sáne | 1760-jıl 25-oktyabr |
| Qaytıs bolǵan jeri | London, Ullı Britaniya |
| Dinastiyası | Gannover dinastiyası |
| Balaları | Frederik, Uels shahzadası, Anna Gannoverlı, Ameliya Ullı Britaniya lı, Karolina Ullı Britaniyalı, Georg Uilyam Ullı Britaniyalı, Uilyam Avgust, Kamberlend gercogı, Mariya Ullı Britaniyalı, Luiza Ullı Britaniyalı hám Iogann Lyudvig fon Valmoden |
| Anası | Sofiya Doroteya Braunshveyg-Cellı |
| Ákesi | Georg I |
| Dini | protestantizm |
| Qolı |  |
Georg II Gannoverlı (Georg Avgust) (inglisshe George II, (Nemecshe); 1683-jıl 9-noyabr, Gannover — 1760-jıl 25-oktyabr, London) — Ullı Britaniya hám Irlandiya patshası, 1727-jıldıń 22-iyunınan baslap Gannover kurfyurstı, Georg I dıń ulı. Britaniya shegarasınan tısqarıda tuwılǵan sońǵı Britaniya monarxı.
1727-jıldan baslap patsha bolıp, Georg Britaniya ishki siyasatına salıstırmalı túrde az tásir etti, ol negizinen Ullı Britaniya parlamentı tárepinen baqlanıp turıldı. Muqaddes Rim imperiyasınıń kurfyurstı sıpatında, ol Gannoverde 12 jazǵı máwsimdi ótkezip, ol jerde mámleket siyasatına kóbirek tikkeley baqlaw júrgizdi. Onıń úlken ulı Frederik penen quramalı qatnasıqları bolǵan, ol parlament oppoziciyasın qollap-quwatlaǵan. Avstriya miyrasxorlıǵı ushın urıs waqtında Georg 1743-jılı Dettingen sawashına qatnasıp, usılayınsha áskerlerın sawashqa ózi basqarǵan sońǵı Britaniya monarxı boldı.
1745-jılı Britaniya taxtına katolik dáwager Jeyms Styuarttıń («Eski Dáwager») tárepdarları, Jeymstıń ulı Karl Styuart («Jas Dáwager» yamasa «Sulıw Shahzada Charli») basshılıǵında Georgti sońǵı Yakobit kóterilisı waqtında qulata almaǵan. 1751-jılı shahzada Frederiktıń kútilmegen óliminen soń Georgtıń aqlıǵı, Georg III, miyrasxor boldı hám aqırında patshaǵa aylandı.
Vigler partiyasına simpatiya bildirgen. Onıń patshaliǵınıń dáslepki jıllarında vigler basshısı Robert Uolpol, Ullı Britaniyanıń birinshi de-fakto bas ministri dep esaplanatuǵın adam, úlken rol oynaǵan.
Georg II monarxtıń rásmiy tuwılǵan kúnın jılı máwsimde bayramlaw dástúrin engizdi. Bul sheshim rásmiy bayramlawlardı kalendar boyınsha tuwılǵan kúnde - suwıq hám jawınlı noyabrde - ótkeriw onsha qolaylı bolmaǵannan hám kóplegen tamashalardan bas tartiw kerek bolǵanlıqtan qabıl etilgen. Britaniya monarxınıń eki tuwılǵan kúni birinshi márte 1748-jılı bayramlanǵan, al XX ásirden baslap Britaniya patshalarınıń (xanzadalarınıń) rásmiy tuwılǵan kúni iyun ayınıń birinshi, ekinshi, keyde úshinshi shenbesinde belgilenedi.