Google Alerts
Google Alerts — bul Google tárepinen usınılatuǵın, kontenttiń ózgeriwin anıqlaw hám xabardar etiw xızmeti. Xızmet, paydalanıwshınıń izlew sorawına sáykes keletuǵın jańa nátiyjelerdi – veb-betler, gazeta maqalaları, bloglar yamasa ilimiy izertlewlerdi tapqanda, paydalanıwshıǵa elektron xatlar jiberedi[1]. 2003-jılı Google kompaniyası Naga Katarudıń háreketleri nátiyjesinde payda bolǵan Google Alerts xızmetin iske qostı. Onıń atı Google Alerts ushın alınǵan úsh patentte de kórsetilgen[2].
Google 2013-jılǵa kelip sistemanıń durıs islemey atırǵanın xabarladı: «Bizde Alerts xızmetiniń biz qálegenshe tolıq qamtıp ala almay atırǵanlıǵına baylanıslı ayırım mashqalalar bar»[3]. Degen menen, bul xızmet ele de islep tur hám pútkil dúnya júzinde tolıq qoljetimli.
Derekler
- ↑ «Create an alert - Google Search Help». Google Help. Google. Qaraldı: 30-sentyabr 2022-jıl.
- ↑ Kavilanz. «Naga Kataru created Google Alerts. Now he's an almond farmer». CNNMoney. CNN (4-aprel 2016-jıl). Qaraldı: 30-sentyabr 2022-jıl.
- ↑ Hill. «'Google Alerts' Are Broken» (en). Forbes (30-iyul 2013-jıl). Qaraldı: 30-sentyabr 2022-jıl.