Google Family Link
Google Family Link — bul ata-analarǵa balalarınıń qurılmaları ushın parametrlerdi retlestiriwge imkaniyat beretuǵın Google kompaniyasınıń shańaraqlıq ata-ana baqlawı xızmeti[1]. Bul qosımsha ata-analarǵa kontentti sheklewge, qosımshalardı maqullawǵa yaki biykar etiwge, ekran waqtın belgilewge hám t.b. imkaniyatlar beredi. Google Family Link qosımshasına aralıqtan kiriw ushın Google akkauntları talap etiledi.
Tariyxı
Bul xızmet dáslepki ret 2017-jıldıń mart ayında jámiyetshilikke usınıldı. Google I/O 2019da Google kompaniyası Family Linkti Android 10ǵa jergilikli túrde kirgizetuǵının járiyaladı. Házirgi waqıtta Family Link Amerika Qurama Shtatları, Avstraliya hám Yaponiya sıyaqlı 38 mámlekette qoljetimli[2].
2019-jılı qosımshaǵa kontentti sheklew, GPS arqalı orındı anıqlaw hám «uyqı waqtı» telefondı sheklew funkciyaları qosıldı[3].
Funkciyaları
Family Link xızmeti eki túrli qosımshaǵa bólingen: Family Link for Parents (Ata-analar ushın) hám Family Link for Children & Teens (Balalar hám jasóspirimler ushın). Family Link for Parents qosımshası ata-analarǵa balalarınıń kóretuǵın kontentin basqarıw ushın beyimlestiriletuǵın parametrlerdi qollanıwǵa imkaniyat beredi[4]. Al balalar hám jasóspirimler ushın Family Link for Children & Teens qosımshası ata-analar tárepinen berilgen parametrler arqalı balalardıń mobil qurılmasın basqarıwǵa múmkinshilik beredi[5].
Family Linktiń ayırım funkciyalarına veb-saytlar hám qosımshalar sıyaqlı hár qıylı kontentti sheklew, ekran waqıtın basqarıw, GPS arqalı telefonlardıń ornın anıqlaw hám Play Storedan qosımshalardı júklep alıw kiredi.
Family Linktegi jáne bir qoljetimli funkciya — bul qurılmalarǵa aldın-ala ornatılǵan qosımshalardı iske túsiriwdi sheklew imkaniyatı. Olarǵa Google Assistant, Google Drive, YouTube, Facebook hám Twitter sıyaqlı sociallıq media platformaları hám basqalar kiredi.
Qabıl etiliwi
TechRadardan Endryu Uilyams óziniń blog jazbalarınıń birinde Family Link xızmetiniń «balalarıńızdıń óz qurılmaların qalay paydalanıp atırǵanı hám olarda qanday kontentti kórip atırǵanı haqqında úlken túsinik beretuǵının» kórsetedi[6].
The Vergeden Eshli Karmen óziniń blog jazbalarınıń birinde ol «jas balanıń Google maǵlıwmatlar profilin jaratıwdan kishkene táshwishte ekenin» kórsetedi[7].
Derekler
- ↑ «Google Family Link - Home» (en). families.google.com. Qaraldı: 7-may 2021-jıl.
- ↑ «Google Family Link is now available in 38 countries - here's the full list» (en-US). Android Authority (22-may 2018-jıl). Qaraldı: 7-may 2021-jıl.
- ↑ «Google rolls out Family Link per-app time limits and bonus time» (en-US). VentureBeat (18-sentyabr 2019-jıl). Qaraldı: 7-may 2021-jıl.
- ↑ «Google Family Link for parents - Apps on Google Play» (en). play.google.com. Qaraldı: 7-may 2021-jıl.
- ↑ «Google Family Link for children & teens - Apps on Google Play» (en). play.google.com. Qaraldı: 7-may 2021-jıl.
- ↑ Andrew Williams October 18, 2018. «What is Android Family Link and how do you use it?» (en). TechRadar (18-oktyabr 2018-jıl). Qaraldı: 7-may 2021-jıl.
- ↑ Carman. «Google built a new app so your kids can have a Google account, too» (en). The Verge (15-mart 2017-jıl). Qaraldı: 7-may 2021-jıl.