Google Fonts
Google Fonts (burınǵı atı Google Web Fonts) — bul Googleǵa tiyisli kompyuter shrifti hám veb-shrift xızmeti. Bul biypul hám ashıq kodlı shriftler toparların, kitapxananı kóriw ushın interaktiv veb-katalogtı, sonday-aq CSS[1] hám Android[2]. arqalı shriftlerdi paydalanıw ushın API-lerdi óz ishine aladı. Google Fonts sonday-aq Google Workspacetiń Docs, Sheets, Drawings hám Slides sıyaqlı programmalıq támiynatları menen de qollanıladı.
Google Fonts kitapxanasındaǵı eń ataqlı shriftlerge Roboto, Open Sans, Lato, Oswald, Montserrat hám Source Sans Pro kiredi[3]. Sonday-aq, Google Fonts kitapxanasında National Fonts hám PT Fonts shriftleri de qoljetimli.
Tariyxı
Google Fonts 2010-jılı iske qosıldı[4] hám 2011[5], 2016[6], 2020[7] hám 2023[8]-jılları jańalanıp turdı.
2020-jıl 3-martta Google katalog veb-saytın ózgeriwshi shriftlerdi qollap-quwatlaw imkaniyatı menen jańaladı. 2021-jıl 2-martta Google Fonts toparı ashıq kodlı belgishelerdi qollap-quwatlaw qosılıp atırǵanın járiyaladı[9].
Shriftler kitapxanası
2025-jıl may ayı boyınsha, Google Fontsta 1821 shriftler toparı, sonıń ishinde 468 ózgeriwshi shriftler toparı bar[10].
Kitapxana Google Fontstıń GitHub repozitoriyi arqalı qollap-quwatlanadı, onda barlıq shrift faylların tikkeley alıwǵa boladı. Kópshilik shriftlerdiń derek kodları Google Fontstıń GitHub shólkemi ishindegi git repozitoriylerinen qoljetimli bolıp, olar Google Fonts jámiyetshiligi tárepinen qollanılatuǵın erkin programmalıq támiynat quralları menen birge usınılǵan.
Licenziyalar hám tarqatıw
Shriftlerdiń kópshiligi SIL Open Font License 1.1 licenziyası astında shıǵarılǵan, al ayırımları Apache licenziyası astında shıǵarılǵan[11]; ekewi de erkin licenziyalar bolıp tabıladı.
Shriftler kitapxanası sonday-aq Monotypetıń SkyFonts hám Adobetıń Edge Web Fonts hám Adobe Fonts (burınǵı Typekit) xızmetleri arqalı da tarqatıladı.
Jeke maǵlıwmatlardı qorǵaw máseleleri
2022-jıl fevral ayında Germaniya sudı Google Fonts qollanǵan veb-sayttıń Evropa Awqamınıń Ulıwma maǵlıwmatlardı qorǵaw reglamentin (GDPR) buzǵanın anıqladı. Bul buzıwshılıq paydalanıwshınıń kelisimisiz yamasa nızamlı mápisiz onıń jeke identifikaciyalanatuǵın informaciyanı (IP mánzilin) Googleǵa jiberiwden ibarat boldı[12].
Bul process Google serverlerine silteme arqalı baylanıstırıwǵa baylanıslı edi hám tek aldaw niyetindegi eskertiwshi advokat tárepinen ámelge asırıldı. Eger shriftler siziń óz veb-saytıńızdan integraciyalansa, Googleǵa hesh qanday informaciya berilmeydi, sonlıqtan bunday qáwip ulıwma joq.
Derekler
- ↑ «How To Add Google Fonts Using CSS». fontsplugin.com (2019-jıl 25-yanvar). Qaraldı: 2020-jıl 28-yanvar.
- ↑ «How Oreo is better than Nougat : Downloadable fonts and adaptive icons». AndroidAuthority.com (2017-jıl 24-avgust). Qaraldı: 2017-jıl 24-noyabr.
- ↑ «Analytics - Google Fonts». fonts.google.com (2020-jıl 3-sentyabr). Qaraldı: 2021-jıl 1-aprel.
- ↑ «Google Fonts is Born - Can I get a Hallelujah!?». Sitepoint.com (2010-jıl 20-may). Qaraldı: 2017-jıl 3-yanvar.
- ↑ «Google Fonts Blog: The new Google Web Fonts - Now fully launched». Googlewebfonts.blogspot.com (2011-jıl 12-iyul). Qaraldı: 2017-jıl 3-yanvar.
- ↑ «Reimagining Google Fonts - Library - Google Design». design.google (2016-jıl 15-iyun). Qaraldı: 2017-jıl 24-noyabr.
- ↑ «Happy anniversary, Google Fonts!». design.google (2020-jıl 2-mart). Qaraldı: 2020-jıl 2-mart.
- ↑ «The new Google Fonts: find what you're looking for». m3.material.io/blog (2023-jıl 7-sentyabr). Qaraldı: 2024-jıl 29-noyabr.
- ↑ Kunisch. «Google Fonts ❤️ Material Icons - Material Design». Material Design (2021-jıl 2-mart). Qaraldı: 2021-jıl 1-aprel.
- ↑ «Browse Fonts - Google Fonts» (en). Google Fonts. Qaraldı: 2025-jıl 14-may.
- ↑ «Google Fonts - Attribution». fonts.google.com (2017-jıl 24-noyabr). Qaraldı: 2017-jıl 24-noyabr.
- ↑ Cushing. «German Court Fines Site Owner For Sharing User Data With Google To Access Web Fonts» (en-US). Techdirt (2022-jıl 7-fevral). Qaraldı: 2022-jıl 28-fevral.