Gulchehra Eshonqulova
| Gulchehra Eshonqulova | |
|---|---|
| Tuwılǵan sánesi | 20-iyun 1981-jılı (44 jasta) |
| Tuwılǵan jeri | Dushanbe, Tájikstan |
| Kásibi | aktrisa |
| Iskerlik jılları | 2005-jıldan házirgi kúnge shekem |
| Ómirlik joldası | Sharof Sharopov |
| Perzentleri | 2 |
Gulchehra Eshonqulova – ózbekstanlı teatr hám kino aktrisası[1]. «Fotima va Zuhra» (qaraqalpaqsha «Pátima hám Zuxra») (2005), «Panoh»(qaraqalpaqsha «Pana») (2007) hám «Shabnam» (2008) sıyaqlı kinolardaǵı rolleri arqalı ataqlı bolǵan.
Ómirbayanı
[redaktorlaw | derekti redaktorlaw]Gulchehra Eshonqulova 1981-jıl 20-iyunda Tájikstannıń Dushanbe qalasında tuwılǵan[2]. Shańaraǵında tunǵısh perzent bolıp, bir sińlisi hám bir úkesi bar. Gulchehranıń jaslıǵı Qashqadárya wálayatındaǵı Shahrisabz qalasında ótken. Ol jaslıǵında bashlawshı bolıwǵa qızıqqan. Sol sebepli, orta mektepti tamamlaǵannan soń, bul tarawda oqıw ushın Tashkent qalasına kelip, Tashkent kórkem óner institutına oqıwǵa tapsırǵan[3]. Biraq ayırım bir sebeplerge baylanıslı imtixanlar tamamlanbastan úyine qaytıwǵa májbúr bolǵan. Gulchehra keyingi jılı tap usı joqarı oqıw ornınıń aktyorlıq baǵdarına oqıwǵa kirip, oqıwdı tabıslı tamamlaǵan. 2015-jılı bolsa Istanbul universitetiniń radio, TV hám kino fakultetiniń aspiranturasına oqıwǵa kirgen[4].
Iskerligi
[redaktorlaw | derekti redaktorlaw]Gulchehra Eshonqulova kinolardaǵı jumısın 2005-jılı Bahrom Yoqubov tárepinen súwretke alınǵan «Fotima va Zuhra» (qaraqalpaqsha «Pátima hám Zuxra») kinosında Fatima rolin atqarıw menen baslaǵan[5]. 2007-jılda bolsa «Panoh»(qaraqalpaqsha «Pana») kinosında súwretke túsken. Gulchehra 2008-jılda «Árman», «Feride», «Shabnam», 2009-jılda bolsa «Janob hech kim» (qaraqalpaqsha «Mırza heshkim»), «Soʻngi lahza» (qaraqalpaqsha «Sońǵı waqıt») hám «Keragimsan» (qaraqalpaqsha «Keregimseń») kinolarında túrli dárejedegi rollerdi oynaǵan. 2010—2014-jıllar aralıǵında bolsa «Qabrdan qaytgan umr» (qaraqalpaqsha «Qábirden qaytqan ómir»), «Qasos» (qaraqalpaqsha «Ósh alıw») hám «Merosxoʻr» (qaraqalpaqsha «Miyrasxor») kinolarında rol oynaǵan[5].
Aktrisa «Yoshlar» telekanalınıń buyırtpası tiykarında «Ózbektelefilm» kinostudiyası tárepinen súwretke alınǵan «Miymanxana» serialında da súwretke túsken[6]. Rejissyor Akrom Isakov tárepinen súwretke alınǵan bul serialda Gulchehra Eshonqulova menen bir qatarda Yaqub Ahmedov, Babur Yóldoshev, Gavhar Zokirova, Adiz Rajabov, Rano Shodieva, Shodiya Toxtaeva, Shaxzoda Matchanova, Erkin Komilov, Tohir Saidov, Xayrulla Sádiev hám Anvar Kartaev sıyaqlı aktyor hám aktrisalar rol atqarǵan[7]. 20 bólimnen ibarat bolǵan bul teleserial 2015-jılda kórsetilgen[8].
Gulchehra Eshonqulova 9 jıllıq dem alıstan soń, 2024-jılda premyerası bolıp ótken «Ishq va anduh» (qaraqalpaqsha «Muhabbat hám qayǵı») kinosında kórinis berdi[9]. Bul kinosda ol Umid Iskandarov (Ibrat rolida) penen birgelikte bas rollerden biri esaplanǵan Nilufar obrazın sáwlelendiredi[10]. Kino 2024-jılǵı Altın humo sıylıǵı iyesi sıpatında kórsetildi. Afisha.uz saytı maǵlıwmatlarına qarǵanda bul onıń sońǵı rollerinen biri edi[11].
Jeke turmısı
[redaktorlaw | derekti redaktorlaw]Gulchehra Eshonqulova 2015-jılda Sharof Sharopov penen turmıs qurǵan[12]. Olardıń Amirbek atlı balası hám Sumayya atlı qız perzentleri bar. Ómirlik joldasınıń ózinen 13 jas kishi ekeni sociallıq tarmaqlarda júdá kóp dodalanǵan. Bul sınlarǵa juwap retinde Gulchehra instagram betinde tómendegishe pikir qaldırǵan[13]:
«Bul táǵdir, sonıń ushın maǵan hár qıylı túsinikler Jazbań. 13 jas kishkenege tiydiń, demeńler. Buǵan altı jıl boldı. Biz eki perzenttiń ata-anası boldıq, baxıtlı jasap atırmız. Bul nárseni qayta-qayta jaza beriwden sharshamadıńız ba? Eger sharshamasańız, jaza beriń. Biz ushın bul kúlkili».
Gulchehra Eshonqulova hám de onıń shńaraǵı házirgi kúnde Amerika Qurama Shtatlarınıń Nyu-York qalasında jasaydı[14].
Filmografiyası
[redaktorlaw | derekti redaktorlaw]| Jıl | Kino | Rol |
|---|---|---|
| 2005-jıl | «Fotima va Zuhra» (qaraqalpaqsha «Pátima hám Zuxra») | Fotima |
| 2007-jıl | «Panoh»(qaraqalpaqsha «Pana») | |
| 2008-jıl | «Árman» | Aziza |
| «Feride» | Nargiz | |
| «Shabnam» | Shabnam | |
| 2009-jıl | «Janob hech kim» (qaraqalpaqsha «Mırza heshkim») | |
| Ada emas dada | ||
| «Soʻngi lahza» (qaraqalpaqsha «Sońǵı waqıt») | Sevara | |
| «Keragimsan» (qaraqalpaqsha «Keregimseń») | ||
| 2010-jıl | «Qabrdan qaytgan umr» (qaraqalpaqsha «Qábirden qaytqan ómir») | |
| 2011-jıl | «Qasos» (qaraqalpaqsha «Ósh alıw») | Nazora |
| 2014-jıl | «Merosxoʻr» (qaraqalpaqsha «Miyrasxor») | |
| 2015-jıl | Miymanxana | |
| 2024-jıl | «Ishq va anduh» (qaraqalpaqsha «Muhabbat hám qayǵı») | Nilufar |
Derekler
[redaktorlaw | derekti redaktorlaw]- ↑ «Aktrisa Gulchehra Eshonqulova turk filmlarida suratga tushish orzusi va oilasi uchun karyerasidan voz kechgani haqida gapirdi». www.daryo.uz. Qaraldı: 6-dekabr 2024-jıl.
- ↑ «О Гульчексре Эшанкуловой, семье, инстаграм, фото» (ru). www.savol-javob.com. 28-yanvar 2025-jılda túp nusqadan arxivlendi. Qaraldı: 6-dekabr 2024-jıl.
- ↑ «Gulchexra Eshonqulova Biografiyasi». www.nozim-studio.com. Qaraldı: 6-dekabr 2024-jıl.
- ↑ «Aktrisa Gulchehra Eshonqulova turk filmlarida suratga tushish orzusi va oilasi uchun karyerasidan voz kechgani haqida gapirdi». www.daryo.uz. Qaraldı: 6-dekabr 2024-jıl.
- 1 2 «Гульчехра Ишанкулова» (ru). www.kino-teatr.ru. Qaraldı: 6-dekabr 2024-jıl.
- ↑ «O‘zbek kinoyulduzlarini birlashtirgan “Mehmonxona” seriali suratga olinmoqda (foto)». www.daryo.uz. Qaraldı: 6-dekabr 2024-jıl.
- ↑ «Гостиница (2015)» (ru). www.kino-teatr.ru. Qaraldı: 6-dekabr 2024-jıl.
- ↑ «O‘zbek kinoyulduzlari ishtirokidagi “Mehmonxona” seriali iyun oyidan boshlab efirga uzatiladi». www.daryo.uz. Qaraldı: 6-dekabr 2024-jıl.
- ↑ «Ishq va Anduh (O`zbekiston)». www.afisha.uz. Qaraldı: 6-dekabr 2024-jıl.
- ↑ «"Qari qiz", "Pandemiya", "Uch qahramon": "Oltin Humo" mukofoti uchun nomzod filmlar e'lon qilindi». www.afisha.uz. Qaraldı: 6-dekabr 2024-jıl.
- ↑ «"Ishq va anduh" filmining premyerasi boʻlib oʻtdi». www.afisha.uz. Qaraldı: 6-dekabr 2024-jıl.
- ↑ «Gulchehra Eshonqulova (Sharapova) Istanbul Universitetining til markazini tamomladi». www.kun.uz. Qaraldı: 6-dekabr 2024-jıl.
- ↑ «Gulchehra Eshonqulova ilk marta AQShga ketishi sababi, turmush o‘rtog‘idan 13 yosh kattaligi haqidagi gaplardan charchagani haqida gapirdi (video)». www.daryo.uz. Qaraldı: 6-dekabr 2024-jıl.
- ↑ «AQShga ko‘chib ketgan o‘zbekistonlik mashhurlar (foto)». www.daryo.uz. Qaraldı: 6-dekabr 2024-jıl.