Háykel
Háykel — hayal-qızlardıń óńirine taǵılatuǵın taǵınshaq.
Mánisi
[redaktorlaw | derekti redaktorlaw]Bul sóz «skulpturalıq figura», «estelik» degen mánilerdi de bildiredi. Háykel taǵınshaq ataması túrkiy tillerde kóp ushırasadı: ózbekshe «xaykal», túrkmenshe «xeykel», qazaqsha «áykel», Zarafshan tájikleri tilinde «aykel», qaraqalpaq tiliniń qubla dialektinde «aykel» — «monument, byust», al arqa dialektinde «xaykel» «óńirge taǵılatuǵın xayal-qızlardıń taǵınshaq buyımı» mánilerin bildiredi.
Tariyxı
[redaktorlaw | derekti redaktorlaw]Etnograf A.Allamuratov háykel haqqında tómendegidey pikirlerdi bildirgen: «Birinshi názer awdaratuǵın nárse, bul háykeldiń múyizge uqsas bası. Ol Sibirdegi Minusin dalalarında házirge shekem saqlanǵan bronza dáwirinde islengen tas músinler menen baylanıslı. Bul tas músinler haqqında talay boljawlar aytılıp, adamzat-hayal ana hám onıń káramatlı zayıbı buǵadan (ógizden) taralǵan degen túsinikti táriyiplegen.
Derekler
[redaktorlaw | derekti redaktorlaw]Seytnazarova.I, Zairova.X. «Qaraqalpaq tilindegi taǵınshaq atamaları». —Nókis: «Qaraqalpaqstan» baspası, 2020.