Húrliman Ótemuratova

Húrliman Ótemuratova
Tuwılǵan sánesi	1965-jılı(1965)
Tuwılǵan jeri	Kegeyli rayonı
Dóretiwshilik túri	proza
Oqıǵan jeri	Nókis mámleketlik universiteti
Dóretiwshilik jılları	1980-jıllardan házirge shekem

Húrliman Ótemuratova (1965) — jazıwshı hám ádebiyat izertlewshisi.

Ómir hám miynet jolı

H. Ótemuratova 1965-jılı Kegeyli rayonında tuwılǵan. Orta mektepti 1982-jılı tamamlap, Nókis mámleketlik universitetiniń filologiya fakultetine kiredi hám onı ayrıqsha bahalar menen pitkerip shıǵadı.

Ol Qaraqalpaq mámleketlik universtetiniń qaraqalpaq ádebiyatı kafedrasında oqıtıwshı, házirgi kúni Ájiniyaz atındaǵı Nókis mámleketlik pedagogikalıq institutında oqıtıwshı bolıp islep atır.

H. Ótemuratova 1992-jıldan Jazıwshılar awqamınıń aǵzası.

Dóretiwshiligi

Ádebiy dóretuwshiligi

H. Ótemuratovanıń shıǵarmaları 80-jıllardan baslap baspasózde daǵazalanǵan. Onıń bir qatar gúrriń, novellaları «Jaslar orbitası» (1986), «Toǵız toplam» (1988) sıyaqlı basılımlardan orın aldı. 1985-jılı «Juldızım joqarı» novella hám gúrrińler toplamı basılsa, 1991-jılı «Ámiwdárya» jurnalında onıń «Húrliman» romanı (1991, No2,3), 2006-2007-jıllardaǵı sanlarında «Tumaris» romanı járiyalandı.

Ilimiy dóretiwshiligi

H. Ótemuratova 1988-jılı Ózbekstan Ilimler Akademiyasınıń Qaraqalpaqstan bólimi N. Dáwqaraev atındaǵı Tariyx, til hám ádebiyat institutınıń aspiranturasına kiredi hám qaraqalpaq prozası boyınsha kandidatlıq dissertaciyasın jaqlaydı.

Avtordıń «Qaraqalpaq tariyxıy romanı poetikası» (1995) ilimiy kitabı da basılıp shıqtı.

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0