Hajı-Gerey dástanı

«Hajı-Gerey» dástanı qahramanlıqtı jırlawshı dástanlar qatarınan orın alıp kiyatır. Bul dástan buxaralı jırawlar ortasında «Er Gerey», «Búrkitli Er Gerey» degen atamalarda jırlanǵan. Lekin, Qurbanbay jırawdıń jeke dóretiwshilik sheberligi tiykarında dástan waqıyalarına ózgerisler kirgizilip, onıń jańı atamada «Hajı-Gerey» bolıp qayta islengenligi bayqaladı. Solay da bolsa, dástanda Gerey batırdıń іnіsi Hajı haqqında tıyanaqlı hesh nárse aytılmaydı. Izertlewshilerdiń pikirininshe, dástan tolıq xatqa túspey qalǵan. Qurbanbay jıraw repertuarında bolǵan bul dóretpe 1941-jılı S.Beknazarov tárepinen (R-15, №1191, №16211) jazıp alınǵan. №16211 qoljazba kishi kólemdegi dáptergá arab hám latın imlasında siya hám kólem menen asıǵıs jazılǵan, sózlerdi oqıw qıyın. Bul jırawdıń awızınan tiykeley jazıp alınǵan nusqa bolsa kerek. Al №1191 qoljazba aldıńǵı qoljazba tiykarında qayta islengen bolıp, latın hám kirill imlalarında aralas jazılǵan hám tekste kóplep ózgerisler kirgizilgen.

«Qaraqalpaq folklorı» kóptomlıǵın burınǵı basılımında «Hajı-Gerey» ataması menen basılǵan bul dástan aytıp ótіlgen ekі qoljazbanı tekstologiyalıq tallaw tiykarında tolıqtırılıp, tiyisli dúzetpeler islengen halda jariyalanbaǵan.