Hayıtbay Abdusadıqov

Hayıtbay Abdusadıqov-shayır 1957-jılı Xojeli qalasında tuwılǵan. Orta mektepti pitkergennen soń, dáslep Taqıyatas qalasındaǵı kásip-áner uchelishesin, keyin Tashkent awıl xojalıq texnikumın tamamlaydı. Miynet jolın Xojeli rayonındaǵı Axunbabaev atındaǵı fermer xojalıǵında agronom bolıp islewden baslaydı. 1990-jılı Tashkent Mámleketlik universitetiniń jurnalistika fakultetiniń sırtqı bólimin pitkerip shıǵadı. 1980-jıllardan baslap baspasóz tarawında xızmet atqaradı.Shayırdıń qosıqları sekseninshi jıllardan baslap Nókis hám Tashkenttegi gazeta-jurnallarda kórine basladı. «Meni kashf eting»(1984), «Yoruǵlik istagi»(1990), «Xojeli-Xoja eli»(1997), «Aslim,Aslim Xója eli»(2005) kitapları basılıp shıqtı. H.Abdusadıqov 1991-jıldan Jazıwshılar Awqamı aǵzası.