Henry Ford

QARAQALPAQ WİKİPEDİASININ' MAG'LIWMATI
Henry Ford

Henry Ford (30 Iyul, 1863 - 7 Aprel, 1947) - Amerikaliq injener hám isbilermen bolǵan. Ol 1896-jılı mashina islep shiǵara basladı hám Ford Motor Company kompaniyasiniń tiykarın saldı. Ol hár bir jumısshı bir nárse islep shıǵarıw protsessinde tek ǵana kishkene bólegin ornatatuǵın sistema pikirin rawajlandırdı. Oniń pikiri mashinalardı kóplep islep shiǵarıwǵa imkán tuwdırdı. Bul konveyerde jıynaw dep ataldı. Bul usil házirgi kúndede zavod, fabrikalarda kóplep zatlar islep shiǵariwda keńnen qollaniladi. Sol waqitta bul usil innovatsiya bolip, oǵan tez waqitta hám basqa kompaniyalardan arzan bahada kóp mashina islep shiǵariw imkániyatin berdi. Ol Klara Brayantqa úylendi hám onnan Edsel Brayant Ford isimli uli boldi. Ford Detroit, Michiganǵa mexanik kar'erasin baslaw ushin úyinen shiǵip ketti.

Ford Motor Kompaniyasınıń Baslanıwı[redaktorlaw | derekti jańalaw]

1903 -jılı Ford Ford Motor Kompaniyasin baslawǵa járdemlesti hám kompaniyaniń birinshi vitse prezidenti boldi. Kompaniya 1903-jılı 23-iyulda óziniń birinshi mashinasin satti. 1906-jılı Ford kompaniya prezidenti boldi.

Millet ushın Mashina[redaktorlaw | derekti jańalaw]

Ford konveyeri, 1913-jil

1908-jılı Ford kompaniyasi Ford Model T mashinasin islep shiǵara basladi. Ford "kópshilik ushin mashina" islep shiǵariwdi qáleytuǵinin aytti. Ol tek ǵana bay adamlar emes, al kópshilik Amerikaliqlar mashina satip ala aliwi kerek dep oyladi. Usi maqsetke erisiw ushin ol mashina dizaynin múmkin bolǵaninsha ápiwayi qildi. Barliq mashinalar birdey etip islep shiǵarildi. Mashinalar júdá ápiwayi edi, mashinalardiń bári birdey qara reńde edi. Mashinani islep shiǵariw $850 ǵa tústi. Bul sol waqitta kóp aqsha boliwina qaramastan arzan mashina edi. Kópshilik Model T mashina satip aliwǵa qushtar boldi. Talap kúsheygeni sonshelli, Ford hámmege mashina islep shiǵarip jetkize almadi.

Jıynaw liniyası[redaktorlaw | derekti jańalaw]

Ford jiynaw liniyasi pikiriniń payda boliwina járdem berdi, hám 1913-jılı óz zavodinda paydalanip basladi. Bul usil menen mashina islew kóp waqit talap etpedi. Ol zavodina qozǵaliwshi konveyer ornatti. Mashinalar konveyerde qozǵaladi, hám hár bir jumisshi mashinaniń bir bólegein ornatiwǵa juwapker boldi.

Tabıs[redaktorlaw | derekti jańalaw]

Konveyerde jiynaw úlken tabisqa eristi. Mashina islep shiǵariw az waqitti aldi, hám olardi islep shiǵariw da arzanǵa tústi. 1916-jılǵa kelip Ford mashinasi $360 turdi, hám házirgiden úsh ese kóp adamlar oniń mashinalarin satıp alar edi. Ford Model T mashinası Amerikani ózgertip jiberdi. Mashina adamlarǵa qalada jasawdi ańsatlastirdi.