Hikmetulla Ayımbetov
| Hikmetulla Ayımbetov | |
|---|---|
| Tuwılǵan sáne | 2-sentyabr 1948-jılı (76 jasta) |
| Tuwılǵan jeri | Taxtakópir awılı, Taxtakópir rayonı |
| Dóretiwshilik túri | poeziya, proza, awdarma |
| Dóretiwshilik jılları | 1970 - házirge shekem |
Hikmetulla Ayımbetov — shayır hám jazıwshı.
Ómir jolı
[redaktorlaw | derekti redaktorlaw]H. Ayımbetov 1948-jılı 2-sentyabrde Taxtakópir rayonında Taxtakópir awılında tuwılǵan.
Ol 1972-jılı Qaraqalpaq mámleketlik pedagogikalıq institutın tabıslı pitkergennen soń «Jetkinshek» gazetasında, «Ámiwdárya» jurnalında, Qaraqalpaqstan televidenie-radio esittiriwleri komitetinde isleydi.
1991-jıldan «Árman» ádebiy gazetasınıń redaktorı lawazımın atqaradı.
2003-2005-jılları Ájiniyaz atındaǵı Nókis mámleketlik pedagogikalıq institutında qaraqalpaq tili oqıtıwshısı bolıp isledi.
Házirgi waqıtta húrmetli dem alısta hám dóretiwshilik isler menen shuǵıllanıp atır.
Dóretiwshiligi
[redaktorlaw | derekti redaktorlaw]H. Ayımbetov 1991-jıldan Jazıwshılar awqamınıń aǵzası.
H. Ayımbetovtıń «Jalǵız terek» (1976), «Tıńlańızlar» (1985), «Úlken shańaraq» (1991), «Aq qaǵaz» (1993) poeziyalıq kitapları, «Qarabuwra» (1998), «Taxtakópir ullı dárbent ústinde» (2007) romanları basılıp shıqtı.
Ol A. S. Pushkin, M. Yu. Lermontov, Mayakovskiy («Jaqsı» 1983) rus xalqınıń «Igor atlanısları haqqında dástan» shıǵarmaların, Á.Súyinniń qosıqlar toplamın awdarıp óz aldına baspadan shıǵardı.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык маглыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0