Jańabay Narımbetov
| Jańabay Narımbetov | |
|---|---|
| Tuwılǵan sánesi | 15-aprel 1937-jılı |
| Tuwılǵan jeri | Bozkól awılı, Kegeyli rayonı |
| Qaytıs bolǵan sánesi | 2003-jılı |
| Ilimiy tarawı | Filologiya, ádebiyattanıw, kritika |
| Jumıs orınları |
|
| Bilim alǵan jeri |
|
| Ilimiy ataǵı | Professor |
| Belgili tezis(ler)i | «Qaraqalpaq romanınıń payda bolıwı hám qáliplesiwi» (1970) |
| Sıylıqları | Berdaq atındaǵı mámleketlik sıylıǵınıń laureatı (1978) «Qaraqalpaqstan Respublikasına miyneti sińgen mádeniyat xızmetkeri» |
Jańabay Narımbetov (1937-2003) — proza izertlewshisi hám sınshı. Berdaq atındaǵı mámleketlik sıylıǵınıń laureatı (1978).
Ómir hám miynet jolı
[redaktorlaw | derekti redaktorlaw]J. Narımbetov 1937-jılı 15-aprelde Kegeyli rayonındaǵı Bozkól awılında tuwılǵan. Ol 1956-jılı Nókis awıl-xojalıq texnikumın, al 1962-jılı Qaraqalpaq mámleketlik pedinstitutınıń rus tili hám ádebiyatı fakultetin pitkerip, sol jerde oqıtıwshı, N. Dáwqaraev atındaǵı tariyx, til hám ádebiyat institutında ilimiy xızmetker, sektor baslıǵı boldı. 1966-1969-jılları Moskvada aspiranturada oqıdı, oblastlıq partiya komitetiniń lektorlar toparınıń baslıǵı, Nókis mámleketlik universitetiniń sırttan oqıw bóliminiń prorektorı, oblastlıq partiya komitetiniń úgit-násiyat bóliminiń baslıǵı, jáne de universitettin prorektorı, Ájiniyaz atındaǵı Nókis mámleketlik pedinstitutınıń oqıw isleri boyınsha prorektorı, oqıtıwshısı lawazımında jumıs islegen.
J.Narımbetov 1976-jıldan Jazıwshılar awqamınıń aǵzası.
Ilim jolı
[redaktorlaw | derekti redaktorlaw]Ol 1970-jılı «Qaraqalpaq romanınıń payda bolıwı hám qáliplesiwi» degen temada kandidatlıq dissertaciyasın jaqlaydı, oǵan professor ilimiy ataǵı beriledi.
Ádebiyatshı hám sınshınıń «Karakalpakskiy roman» (T, 1974), «Jańa estetikalıq sheklerge qaray» (1984) degen miynetleri basılıp shıqtı. Ol «Qaraqalpaq ádebiyatı tariyxınıń ocherkleri» (1968), «Qaraqalpaq ádebiyatı» (1984), «Saxra gúli» (2001) degen kitapları da avtorlarınıń biri.
Jetiskenlikleri
[redaktorlaw | derekti redaktorlaw]J.Narımbetov Qaraqalpaqstan Respublikası Berdaq atındaǵı mámleketlik sıylıǵınıń laureatı (1978), Qaraqalpaqstan Joqarǵı Keńesiniń Húrmet jarlıǵı menen sıylıqlanǵan. Ol «Qaraqalpaqstan Respublikasına miyneti sińgen ilim ǵayratkeri» hám «Qaraqalpaqstan Respublikasına miyneti sińgen mádeniyat xızmetkeri» degen ataqlarǵa iye.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0