Jańabay Saparov
| Jańabay Saparov | |
|---|---|
| Tuwılǵan sánesi | 1919-jılı |
| Tuwılǵan jeri | Qońırat rayonı |
| Qaytıs bolǵan sánesi | 2002-jılı |
| Dóretiwshilik túri | proza |
| Dóretiwshilik jılları | 1935-2002 |
| Ataqları | «Ózbekstan Respublikasına miyneti singen mádeniyat xızmetkeri» (1979) «Qaraqalpaqstan Respublikasına miyneti sińgen mádeniyat xızmetkeri» (1972) |
Jańabay Saparov (1919-2002) — jazıwshı.
Ómir jolı
[redaktorlaw | derekti redaktorlaw]J.Saparov 1919-jılı Qońırat rayonında tuwılǵan.
Ol 1939-jılı Tórtkúlde awıl xojalıq texnikumın pitkerip, Qońıratta agronom (1943-44), rayonlıq «Jeńis bayraǵı» gazetasınıń redaktorı, «Qızıl Qaraqalpaqstan» gazetasınıń xabarshısı (1949-50), rayonlıq partiya komitetinde awıl xojalıǵı bóliminiń baslıǵı (1950-51), sonǵı jılları «Jas Leninshi», «Sovet Qaraqalpaqstanı» gazetalarında, 1961-jıldan baslap Qaraqalpaqstan televideniesi hám radio esittiriw Komitetiniń xabarshısı bolıp isledi.
J.Saparov 1960-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Jazıwshınıń dáslepki shıǵarmaları 30-jıllardıń ortalarında járiyalandı.
Onıń «Еskadron atlandı» (1957), «Shomanaydıń esigin ashqanlar» (1958), «Ústirtke hújim» (1962), «Jeti jılǵa bara-bar jeti kún» (1977), «Shomanay» (1973) atlı gúrriń, ocherk, povest hám romanları basılıp shıqtı. Baspasózde onıń «Baspashılar arasında» (1977), «Táslim» (1982), «Qızıl Qońırattıń jigitleri» (1989), «Oktyabr juldızları» (1968) degen povestleri de járiyalandı.
Jetiskenlikleri
[redaktorlaw | derekti redaktorlaw]J.Saparov «Ózbekstan Respublikasına miyneti singen mádeniyat xızmetkeri» (1979), «Qaraqalpaqstan Respublikasına miyneti sińgen mádeniyat xızmetkeri» (1972) húrmetli ataqlarına iye, ol Qaraqalpaqstan Respublikası Joqarǵı Kenesinin Húrmet jarlıǵı menen sıylıqlanǵan.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0