Jaskelen dástanı

«Jaskelen» dástanı xalıq jırawı Qurbanbay Tájibaevdan 1939-jılı Sh. Xojaniyazov hám Sádirbay Máwlenovlar jazıp alǵan. Birinshi ret «Qaraqalpaq folklorı» kóptomlıǵınıń XVII tomında járiyalanǵan. Dástan jawgershilik zamanları xalıq batırınıń erlik islerin jirlaǵan shiǵarmalar qatarına kiredi. Noǵaylı dáwiri waqıyaların erteklik túrde súwretleytuǵaın bul dóretpe sikllıq dástanlar quramında da ushırasadı. Qurbanbay jıraw jazıp alıwshıǵa bergen maǵluwmalarında dástandı jaslıq waqtı Buxar menen Túrkistanda ótip, sońınan Xorezm úlkesinde jasaǵan ataqlı jırawı Jiyen Amanlıq ulı tarepinen dóretilgen bolıwı múmkin degen boljawlardı bildiredi. Kompaziciyalıq qurılısı boyınsha dástan ertekke usap ketedi. Bul atqarıwshı jırawdıń jeke improvizatorıq sheberligine baylanıslı bolıp, dástan turli awızeki sóylew túrine jaqın, teńewler menen epitetlerge oǵada bay.