Jetesbay Jalǵasbaev
| Jetesbay Jalǵasbaev | |
|---|---|
| Jetesbay Jalǵasbaev | |
.png) | |
| Tuwılǵan sánesi | 1950-jıl 15-sentyabr |
| Tuwılǵan jeri | Qaraózek rayonı, Qaraqalpaqstan |
| Qaytıs bolǵan sánesi | 2019-jıl |
| Qaytıs bolǵan jeri | Nókis, Qaraqalpaqstan |
| Milleti | qaraqalpaq |
| Ilimiy tarawı | geografiya |
| Jumıs orınları | Ájiniyaz atındaǵı Nókis mámleketlik pedagogikalıq institutı |
| Ilimiy dárejesi | Geografiya ilimleriniń kandidatı |
| Ilimiy ataǵı | Docent |
Jetesbay Jalǵasbaev (Жетесбай Жалғасбаев; 1950-jıl 15-sentyabr, Qaraózek rayonı — 2019-jıl, Nókis) — belgili qaraqalpaqstanlı geograf alım, geografiya ilimleriniń kandidatı, docent hám bilimlendiriw tarawınıń pidayısı. Ol óziniń kóp jıllıq xızmetin Qaraqalpaqstanda geografiya ilimin rawajlandırıwǵa hám kadrlar tayarlawǵa baǵıshlaǵan.
Biografiyası
[redaktorlaw | derekti redaktorlaw]Jetesbay Jalǵasbaev 1950-jılı 15-sentyabrde Qaraózek rayonında tuwılǵan. 1968–1973-jılları Qaraqalpaq mámleketlik pedagogikalıq institutında (házirgi NMPI) tálim alǵan.
Tariyxıy xronologiyası:
- 1975–1980-jılları: Ózbekstan Respublikası Ilimler akademiyası Qaraqalpaqstan bóliminde úlken laborant;
- 1980–1983-jılları: Moskva Tábiyattanıw institutı aspirantı;
- 1984–1985-jılları: ÓzIA Qaraqalpaqstan bólimi izertlewshisi;
- 1985–1990-jılları: Berdaq atındaǵı Qaraqalpaq mámleketlik universiteti Geografiya kafedrası oqıtıwshısı;
- 1991-jıldan: Ájiniyaz atındaǵı Nókis mámleketlik pedagogikalıq institutında oqıtıwshı, kafedra baslıǵı.
Basqarıw xızmeti
[redaktorlaw | derekti redaktorlaw]J. Jalǵasbaev NMPI quramında bir qatar juwapkerli lawazımlarda isledi:
- 1995–1998-jılları instituttıń ruwxıylıq hám aǵartıwshılıq isleri boyınsha prorektorı;
- 1998–2000-jılları Muzıkalıq tálim hám súwretlew óneri fakulteti dekanı;
- 2001–2005-jılları sırtqı bólim dekanı;
- 2006–2007-jılları «Ilim hám jámiyet» jurnalınıń bas redaktorı;
- 2008–2010-jılları «Pedagogika» fakulteti dekanı lawazımlarında nátiyjeli xızmet kórsetti.