Jigerbay Ábdimov

Jigerbay Ábdimov
Tuwılǵan sánesi	2-yanvar 1956-jılı(1956-01-02) (70 jasta)
Tuwılǵan jeri	Nókis
Puqaralıǵı	SSRA →  Ózbekstan
Milleti	qaraqalpaq
Kásibi	teatr hám kino aktyorı
Oqıǵan jeri	A.N.Ostrovskiy atındaǵı Tashkent teatr hám súwretshilik kórkem óneri institutı
Iskerlik jılları	1978-jıldan házirge shekem
Filmleri	«Qońsılar» «Urı» «Oqılmaǵan xat» «Kurort» «Ájiniyaz» «Civilizaciya» «Anası súymegen kempir»
Sıylıqları	«Doslıq» ordeni (2014)
Ataqları	«Qaraqalpaqstan Respublikasına xızmet kórsetken artist» (2004)

Jigerbay Ábdimov (Жигербай Әбдимов; 1956-jıl 2-yanvar, Nókis) — qaraqalpaq kino hám teatr aktyorı.

Ómirbayanı

Jigerbay Abdimov 1956-jılı 2-yanvar sánesinde Nókis qalasında dúnyaǵa kelgen. Milleti — qaraqalpaq, qosar-mańǵıt ruwınan.

Ol mektep waqtınan baslap-aq, mádeniyat hám kórkem-óner tarawına qızıǵıwshılıǵı ayrıqsha bolǵan hám mektepti tamamlap, A.N.Ostrovskiy atındaǵı Tashkent teatr hám súwretshilik kórkem óneri institutınıń «Drama hám kino aktyorı» bólimine oqıwǵa kiredi hám 1977-jılı oqıwdı tabıslı tamamlap, sol jılı Stanislavskiy atındaǵı mámleketlik teatrında xor aktyorı bolıp óz jumısın baslaǵan.

Sonday-aq, 1978-jıldan baslap búgingi kúnge shekem Qaraqalpaq mámleketlik jas tamashagóyler teatrınıń pidayı aktyorı.

Shańaraǵı

Kino hám teatr saxnasınıń pidayı aktyorı J.Ábdimov ómirlik joldası menen 2 ul, 3 qızdı tárbiyalap, búgingi kúnde 18 aqlıqtıń ata-ájeleri.

Iskerligi

Saxnadaǵı iskerligi

J.Abdimov aktyorlıq iskerligi dawamında 100 den artıq obrazlar jaratqan. Atap aytqanda, K.Raxmanovtıń «Keshikken báhár» spektaklinde Tórebek, «Toǵız tońqıldaq bir sheńkildek» spektaklinde Xalmurat, «Hayal táǵdiri» spektaklinde Arzıxan Allaxanovich, «At aylanıp qazıǵın…» spektaklinde qońsı, Ǵafur Ǵulamnıń «Sum bala» spektaklinde Sum bala, B.Jakievtiń «Áke táǵdiri» spektaklinde Sopay, K.Galdonidiń «Eki bayǵa bir malay» spektaklinde Doktor Lombardi, P.Tilegenovtıń «Duwtarlı soldat» spektaklinde nemec oficeri Myuller, L.Tolstoydıń «Buratino» spektaklinde Karlo, Buratino hám Arlekin, A.Raxmatovtıń «Abdulla Nabiev» spektaklinde Saqshı ǵarrı, I.Lazutinniń «Balaǵa áke kerek» spektaklinde Igor, Sh.Peronıń «Etik kiygen pıshıq» spektaklinde Adamxor, Mingalimov hám Kryukovtıń «Sıyqırlanǵan toǵay» spektaklinde Ubir, Ya.Stelmaxtıń «Jas gvardiya haqqında oylar» spektaklinde Vanya, A. Xmeliktiń «Sh» operaciyası spektaklinde Laptev, V.Ziminniń «Aq jol» spektaklende Kalta, K.Karimovtıń «Altın teńge» spektaklinde Qaraqshı, J.Molerdiń «Skapenniń hiylesi» spektaklinde Argant, Rozimuxamedovtıń  «Raxmet kapitan» spektaklinde Zafar, P.Aytmuratovtıń «Arzıwlar qanatında» spektaklinde Pirnazar, «Oynaqlaǵan ot basar» spektaklinde qáyin ata, «Tuńǵısh muxabbat» spektaklinda Bekpolat, «Súyinshi» spektaklinde Bazarbay, S.Balǵabaevtiń «Qız jigirmaǵa shıqqanda» spektaklinde Táwken, «Eń shıraylı kelinshek» spektaklinde Jiyenbay, M.Xojanovtıń «Kosmostan kelgen qonaqlar» spektaklinde Aney, «Batır haqqında ertek» spektaklinde Duwaxan, «Mártlik hám jawızlıq» spektaklinde ertekshi áke, T.Qayıpbergenovtıń «Xeops piramidası» spektaklinde Qatpa, «Sahra búlbili» spektaklinde Sawdager áke, A.Sultanovtıń «Watan topraǵı» spektaklinde Faxruddin, «Nahaqtan tógolgen qan» spektaklinde Zelenskiy, G.Tursınovtıń «Sabır túbi — sarı altın» spektaklinde Kóshe aqsaqalı, «Sınaq» spektaklinde Shınǵız, Sh.Shamanadzenniń «Anajan» spektaklinde jolawshı, A.Allamuratovtıń «Jip úzilgende» spektakinde Maqset Qosekeev, J.Maxmudovtıń «Jalańash patsha» spektaklinde Tuk, Q.Narqabıldıń «Almaqtıń bermegi bar» spektaklinde Hikmet ata,  V.Rozovtıń «Baxıt izlep» spektaklinde Kolya, Z.Sagalovtıń «Djonnidiń urlanıwı» spektaklinde Semmi, N.Osipovtıń «Sıyqırlı dáne» spektaklinde Areg bay, I.Yuzeevtiń «Oyınnan oymaq shıǵar» spektaklinde Evaris, I.Shtoktiń «Jaratqannıń deregi» spektaklinde Perishte, M.Aǵamurzaev hám L.Babaxanovtıń «Jolbarıs hám mergen» spektaklinde Qaraqulaq hám Darvish, Q.Xalmuratovtıń «Kewil sayası» spektaklinde Reypnazar, «Jaza» spektaklinde Baltabek, «Jolbarıstıń ármani» spektaklinde Áke, Q.Mátmuratovtıń «Kempirge talas» spektaklinde Seytjan ǵarrı, S.Jumaǵulovtıń «Kúyewindi berip tur» spektaklinde Jádiger, «Ekstrasens» spektaklinde Miliciya kapitanı, Shekspirdiń «Romeo hám Juletta» spektaklinde Monteki hám basqa da kóplegen spektakllerde rol atqarıp, xalqımızdıń júrek tórinen tereń orın iyelegen.

Jigerbay Ábdimovtıń oynaǵan spektaklleri
Spektakl	Spektakl avtorı	Rol	Derek
«Keshikken báhár»	Keńesbay Raxmanov	Tórebek
«Toǵız tońqıldaq bir sheńkildek»	Keńesbay Raxmanov	Xalmurat
«Hayal táǵdiri»	Keńesbay Raxmanov	Arzıxan Allaxanovich
«At aylanıp qazıǵın…»	Keńesbay Raxmanov	qońsı
«Sum bala»	Ǵafur Ǵulam	Sum bala
«Áke táǵdiri»	B.Jakiev	Sopay
«Eki bayǵa bir malay»	K.Galdoni	Doktor Lombardi
«Duwtarlı soldat»	Pirlepes Tilegenov	nemec oficeri Myuller
«Buratino»	Lev Tolstoy	Karlo, Buratino hám Arlekin
«Abdulla Nabiev»	A.Raxmatov	Saqshı ǵarrı
«Balaǵa áke kerek»	I.Lazutin	Igor
«Etik kiygen pıshıq»	Sh.Pero	Adamxor
«Sıyqırlanǵan toǵay»	Mingalimov hám Kryukov	Ubir
«Jas gvardiya haqqında oylar»	Ya.Stelmax	Vanya
««Sh» operaciyası»	A. Xmelik	Laptev
«Aq jol»	V.Zimin	Kalta
«Altın teńge»	Keńesbay Karimov	Qaraqshı
«Skapenniń hiylesi»	J.Moler	Argant
«Raxmet kapitan»	Rozimuxamedov	Zafar
«Arzıwlar qanatında»	Polat Aytmuratov	Pirnazar
«Oynaqlaǵan ot basar»	Polat Aytmuratov	qáyin ata
«Tuńǵısh muxabbat»	Polat Aytmuratov	Bekpolat
«Súyinshi»	Polat Aytmuratov	Bazarbay
«Qız jigirmaǵa shıqqanda»	S.Balǵabaev	Táwken
«Eń shıraylı kelinshek»	S.Balǵabaev	Jiyenbay
«Kosmostan kelgen qonaqlar»	M.Xojanov	Aney
«Batır haqqında ertek»	M.Xojanov	Duwaxan
«Mártlik hám jawızlıq»	M.Xojanov	ertekshi áke
«Xeops piramidası»	Tólepbergen Qayıpbergenov	Qatpa
«Sahra búlbili»	Tólepbergen Qayıpbergenov	Sawdager áke
«Watan topraǵı»	Alpısbay Sultanov	Faxruddin
«Nahaqtan tógolgen qan»	Alpısbay Sultanov	Zelenskiy
«Sabır túbi — sarı altın»	G.Tursınov	kóshe aqsaqalı
«Sınaq»	G.Tursınov	Shınǵız
«Anajan»	Sh.Shamanadzen	jolawshı
«Jip úzilgende»	A.Allamuratov	Maqset Qosekeev
«Jalańash patsha»	J.Maxmudov	Tuk
«Almaqtıń bermegi bar»	Q.Narqabıl	Hikmet ata
«Baxıt izlep»	V.Rozov	Kolya
«Djonnidiń urlanıwı»	Z.Sagalov	Semmi
«Sıyqırlı dáne»	N.Osipov	Areg bay
«Oyınnan oymaq shıǵar»	I.Yuzeev	Evaris
«Jaratqannıń deregi»	I.Shtok	Perishte
«Jolbarıs hám mergen»	M.Aǵamurzaev , L.Babaxanov	Qaraqulaq hám Darvish
«Kewil sayası»	Q.Xalmuratov	Reypnazar
«Jaza»	Q.Xalmuratov	Baltabek
«Jolbarıstıń ármanı»	Q.Xalmuratov	áke
«Kempirge talas»	Qıpshaqbay Mátmuratov	Seytjan ǵarrı
«Kúyewindi berip tur»	Saylawbay Jumaǵulov	Jádiger
«Ekstrasens»	Saylawbay Jumaǵulov	miliciya kapitanı
«Romeo hám Juletta»	Shekspir	Monteki

Kinodaǵı iskerligi

Aktyor J.Ábdimovtiń qaraqalpaq kino salasında da ornı girewli. Ol usı kúnge shekem «Qaraqalpaqfilm» kinostudiyası tárepinen súwretke alınǵan «Qońsılar», «Urı», «Oqılmaġan xat», «Kurort» hám «Ájiniyaz» filmlerinde rollerge súwretke túsip, kámine keltirip atqarġan.

Al háwesker kinostudiyalar tárepinen súwretke alınǵan filmlerden bolsa, «Civilizaciya», «Anası súymegen kempir», «Yapırmay» hám «Em bolsın» kino komediyalarında súwretke túsken.

Jetiskenlikleri

J.Abdimov xalqımızdıń júrek tórinen orın alıp, mámleketimiz tárepinen 2004-jılı «Qaraqalpaqstan Respublikasına xızmet kórsetken artist» eń húrmetli ataǵı hám 2014-jıl «Doslıq» ordeni menen sıylıqlanǵan.