Joldas Seytnazarov
| Joldas Seytnazarov | |
|---|---|
| Жолдас Сейтназаров | |
| Tuwılǵan sánesi | 1918-jılı |
| Tuwılǵan jeri | «Taǵjap» awılı, Shımbay rayonı |
| Qaytıs bolǵan sánesi | 1982-jılı |
| Qaytıs bolǵan jeri | Nókis |
| Puqaralıǵı |  SSRA |
| Milleti | qaraqalpaq |
| Dóretiwshilik túri | jazıwshı, jurnalist |
| Oqıǵan jeri | Moskvadaǵı Joqarı ádebiy kurs |
| Dóretiwshilik jılları | 1937–1982 |
| Janrı | Poeziya, povest, gúrriń, ocherk |
| Shıǵarmalarınıń tili | qaraqalpaqsha, ózbekshe, russha |
| Ataqları | Ózbekstanǵa miyneti sińgen mádeniyat xızmetkeri Qaraqalpaqstanǵa miyneti sińgen mádeniyat xızmetkeri |
Joldas Seytnazarov (Жолдас Сейтназаров; 1918–1982) — qaraqalpaq jazıwshısı hám jurnalisti. Ózbekstan hám Qaraqalpaqstan Respublikalarına miyneti sińgen mádeniyat xızmetkeri. Ol qaraqalpaq ádebiyatı hám baspasóziniń rawajlanıwına úlken úles qosqan tulǵalardıń biri.
Ómiri hám iskerligi
[redaktorlaw | derekti redaktorlaw]Joldas Seytnazarov 1918-jılı Shımbay rayonınıń «Taǵjap» awılında tuwılǵan. 1930-jıldan Shımbaydaǵı «Kommuna» mektebinde tárbiyalanǵan.
Miynet jolın 1937-jılı «Jetkinshek» gazetasında xabarshılar bóliminiń baslıǵı retinde basladı. Keyinirek «Sovet muǵallimi» gazetasında mektepler bólimin basqardı.
1942–1943-jılları Ekinshi jer júzilik urısqa qatnastı. Fronttan qaytqannan soń Kegeyli rayonılıq gazetasında redaktor, birqansha jıllar dawamında Radioesittiriw komitetinde baslıq orınbasarı hám «Qaraqalpaqstan» baspasında isledi. Ol Moskvadaǵı Joqarı ádebiy kursta oqıp bilimin jetilistirdi. Respublikalık mádeniyat úyiniń direktori lawazımında da miynet etti. 1977-jıldan ómiriniń aqırına shekem Televidenie hám radioesittiriw komitetinde xızmet etti.
1939-jıldan baslap Qaraqalpaqstan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]J. Seytnazarovtıń dóretpeleri qaraqalpaq, ózbek hám rus tillerinde basılıp shıqqan. Ol ádebiyatta hám shayır, hám prozaik sıpatında tanıldı.
Poeziyalıq toplamları:
[redaktorlaw | derekti redaktorlaw]- «Ernazar» (1949);
- «Erlik» (1953);
- «Júrek sózi» (1955);
- «Qıraǵılıq» (1958);
- «Kishkene doslar» (1961);
- «Mektep baǵı» (1955);
- «Báhár hám men» (1966);
- «Ómir muradı» (1966).
Prozalıq shıǵarmaları:
[redaktorlaw | derekti redaktorlaw]- «Aysulıw» (1954);
- «Qanlıjalı qaharman» (1957);
- «Uzaqtaǵı jaylawda» (1959);
- «Ámiwdáryalı qız» (1961);
- «Bilim hám miynet» (1961);
- «Altın saat» (1968).
Sıylıqları hám ataqları
[redaktorlaw | derekti redaktorlaw]- 1968 — «Qaraqalpaqstan Respublikasına miyneti sińgen mádeniyat xızmetkeri»;
- 1978 — «Ózbekstan Respublikasına miyneti sińgen mádeniyat xızmetkeri»;
- Ózbekstan hám Qaraqalpaqstan Respublikası Joqarǵı Keńesiniń «Húrmet jarlıǵı» menen sıylıqlanǵan.
Derekler
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0