Joldasbay Dilmuratov
| Joldasbay Dilmuratov | |
|---|---|
| Tuwılǵan sáne | 5-may 1928-jılı |
| Tuwılǵan jeri | Shımbay rayonı |
| Qaytıs bolǵan sáne | 2000-jılı |
| Dóretiwshilik túri | poeziya |
| Dóretiwshilik jılları | 1948-2000 |
| Birinshi kitabı | «Jaslıq yoshı» (1954) |
| Ataqları | «Qaraqalpaqstan Respublikasına miyneti sińgen mádeniyat xızmetkeri» «Ózbekstan Respublikasına miyneti sińgen mádeniyat xızmetkeri» |
Ómir hám miynet jolı
[redaktorlaw | derekti redaktorlaw]1928-jılı 5-mayda Shımbay rayonında tuwılǵan. 1950-jılı pedagogikalıq instituttı sırttan oqıp tamamlaydı.
J. Dilmuratov Shımbay rayonındaǵı A.S. Pushkin atındaǵı segiz jıllıq mektepte muǵallim hám direktor bolıp isleydi. 1952-jıldan baslap «Sovet Qaraqalpaqstanı» gazetasında ádebiy xızmetker, sońınan teleradio komitetinde aǵa redaktor lawazımlarında isleydi.
J. Dilmuratov 1955-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Onıń dáslepki qosıqları 1948-jılı járiyalandı.
Házirge shekem onıń «Jaslıq yoshı» (1954), «Qaraman» (1961), «Júrek alǵısı» (1966), «Náwbáhár» (1973), «Gúller ashılǵanda» (1976), «Zaman zawqı» (1983), «Sen menin ilhamımsan» (1988) sıyaqlı toplamları baspadan shıqtı.
1992-jılı onıń «Tańlamalı shıǵarmalarınıń bir tomlıǵı» basıldı.
J. Dilmuratovtıń balalarǵa arnalǵan qosıqları, poemaları házirgi poeziyada belgili orın tutadı, bulardıń qatarında shayırdıń «Ómir gúli» (1958), «Artekte» (1969), «Kiyikler» (1976), «Jolbarıstıń táǵdiri» (1980) hám basqa da toplamların atap ótiwge boladı. Shayırdıń ayırım shıǵarmaları ózbek, qırǵız tillerinde járiyalanǵan.
Jetiskenlikleri
[redaktorlaw | derekti redaktorlaw]J. Dilmuratov Qaraqalpaqstan hám Ózbekstan Respublikasına miyneti sińgen mádeniyat xızmetkeri. Ol Ózbekstan Respublikası Joqarǵı Keńesiniń húrmet jarlıǵı menen sıylıqlanǵan.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0