Joldasbay Tájetdinov
| Joldasbay Tájetdinov | |
|---|---|
| Tuwılǵan sáne | 6-yanvar 1956-jılı (70 jasta) |
| Tuwılǵan jeri | Keńes awılı, Shımbay rayonı |
| Dóretiwshilik túri | poeziya |
| Oqıǵan jeri |
|
| Dóretiwshilik jılları | 1978-jıldan házirge shekem |
| Sıylıqları | «Shuxrat» medalı |
Joldasbay Tájetdinov (Жолдасбай Тәжетдинов; 1956-jıl 6-yanvar, Shımbay rayonı) — shayır. «Shuxrat» medalınıń iyesi.
Ómir hám miynet jolı
[redaktorlaw | derekti redaktorlaw]Ol 1956-jılı 6 yanvarda Shımbay rayonınıń «Keńes» awılında tuwılǵan. Orta mektepti pitkergennen soń, 1975-jılı Tashkent poligrafiya texnikumın,1985-jılı Nókis mámleketlik universitetiniń filologiya fakultetin, 1991-jılı Ekaterinburg qalasındaǵı Ural sociallıq máseleler hám siyasattanıw institutın pitkergen.
Miynet jolın Shımbay rayonlıq mádeniyat úyinde metodist bolıp islewden baslaǵan. Sońınan Shımbay, Bozataw rayonlıq gazetalarda redaktor, Qaraqalpaqstan Respublikası baspa sóz komitetinde, «Qaraqalpaqstan» baspasında juwaplı lawazımlarda islegen.
«Qaraqalpaqstan jasları», «Shıpaker» gazetasında bas redaktor, Qaraqalpaqstan xabar agentliginiń direktorı, 1991-2005-jılları Qaraqalpaqstan jurnalistleri awqamınıń baslıǵı, 2005-jıldan «Adolat» SDP Qaraqalpaqstan Respublikası atqarıw komitetiniń baslıǵınıń orınbasarı bolıp islegen. Házir «Kásiplik bilimlendiriw» gazetasınıń bas redaktorı bolıp isleydi.
Ol 1995-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]J.Tájetdinovtıń dáslepki shıǵarmaları 1978-jıldan baslap baspasózde kórine basladı.
Onıń «Mehir» (1984), «Qulshınıw» (1987), «Jılǵa» (1990) atlı poeziyalıq toplamları hám «Jerdiń tartıw kúshi» (1992), «Aq sút bergen analar» (1995) publicistikalıq kitapları basılıp shıqtı.
Jetiskenlikleri
[redaktorlaw | derekti redaktorlaw]Ol 2000-jılı Qaraqalpaqstan Respublikası Joqarǵı Keńesiniń húrmet jarlıǵı hám «Shuxrat» medalı menen sıylıqlanǵan.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялық мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0