Jubatqan Muratbaev
| Jubatqan Muratbaev | |
|---|---|
| Tuwılǵan sánesi | 10-may 1939-jılı |
| Tuwılǵan jeri | Qarmaqshı rayonı, Qızılorda wálayatı, Qazaqstan |
| Qaytıs bolǵan sánesi | 2002-jılı |
| Dóretiwshilik túri | proza |
| Oqıǵan jeri | Samarqand awıl xojalıǵı institutı |
| Ataqları | «Qaraqalpaqstan Respublikasına miyneti sińgen mádeniyat xızmetkeri» |
| Sıylıqları | Qaraqalpaqstan Jazıwshılar awqamı sıylıǵı |
Jubatqan Muratbaev (Жубатқан Муратбаев; 1939-2002) — jazıwshı.
Ómir hám miynet jolı
[redaktorlaw | derekti redaktorlaw]J.Muratbaev 1939-jılı 10-mayda Qazaqstannıń Qızıl-Orda oblastınıń Qarmaqshı rayonınıń aymaǵında tuwılǵan.
Ol Samarqand awıl xojalıǵı institutın pitkerip (1961), Buxaranıń Tamdı rayonında (1961-63), sońınan Shımbaydaǵı Oktyabrdıń 40 jıllıǵı sovxozında, Taxtakópirdegi «Moskva» sovxozında (1967-1968), Qaraqalpaqstan awıl xojalıǵı Ministrliginde isleydi, Qarakólshilik mámleketlik biopunktiniń baslıǵı boladı (1968-78), Qaraqalpaqstan Jazıwshılar awqamında ádebiyattı násiyatlaw byurosın basqaradı (1982-84).
J.Muratbaev 1982-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Jazıwshınıń «Jesir» (1980), «Baxıt jolı» (1981), «Tań juldızı» (1983), «Dıǵırıq» (1990), «Shejireniń shıbıǵı» (1991), «Aytalmay ketti» (1992), «Aqquwǵa oq darımaydı» (1993) degen povest, gúrrińler hám romanları basılıp shıqtı. Onıń bir qatar povestleri qazaq tilinde de járiyalanǵan.
Jetiskenlikleri
[redaktorlaw | derekti redaktorlaw]J.Muratbaev «Qaraqalpaqstan Respublikasına miyneti sińgen mádeniyat xızmetkeri» húrmetli ataǵına iye.
Ol Qaraqalpaqstan Respublikası Joqarǵı Keńesiniń Húrmet jarlıǵı menen sıylıqlanǵan hám Qaraqalpaqstan Jazıwshılar awqamı sıylıǵınıń laureatı bolıwǵa eristi.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялық мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0