Jumaniyaz Óteniyazov
| Jumaniyaz Óteniyazov Palwanovich | |
|---|---|
 | |
| Tuwılǵan sáne | 1959-jılı |
| Tuwılǵan jeri | Taxtakópir rayonı |
| Dóretiwshilik túri | poeziya |
| Oqıǵan jeri | Nókis mámleketlik universiteti |
| Shıǵarmalarınıń tili | qaraqalpaq tili |
| Sıylıqları | «Doslıq» ordeni (2019) |
Jumaniyaz Óteniyazov Palwanovich (Жуманияз Өтениязов Палўанович; 1959, Taxtakópir rayonı) — shayır.
Ómir hám miynet jolı
[redaktorlaw | derekti redaktorlaw]J. Óteniyazov 1959-jılı Taxtakópir rayonında tuwılǵan.
Ol 1984-jılı Nókis mámleketlik universitetiniń huqıqtanıw fakultetin pitkergennen keyin Qaraqalpaqstan televideniesi hám radio esittiriw komitetinde redaktor, sońınan «Qaraqalpaqstan» baspasında redaktor, Qaraqalpaqstan Respublikası ishki isler ministirliginiń baspa sóz orayı baslıǵı lawazımın atqaradı.
Búgingi kúnde ishki isler ministrliginin Insan huqıqların qorǵaw bólimshesinin bas másláhátshisi bolıp isleydi.
J. Óteniyazov 1992-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Shayırdıń «Jańa jıl» (1988), «Sholaq jayın» (1991), «Eki maqtanshaq» (1996), «Tınıshlıq saqshıları» (1996), «Úmit shuǵlası» (2006), «Uzın hám kelte» (2007), «Watandı súyip jasa», (2007) degen toplamları, «Ananıń júregi» (1987), «Sekseninshi jıllar» (1989), «Aydos biydin ármanı» (2007) poemaları baspadan shıqtı.
Ol A.S.Pushkin, Yu.M.Lermontov, V. Gogol, K.D. Ushinskiy, K.Chukovskiydiń bir qatar shıǵarmaların qaraqalpaq tiline awdarǵan.
Jetiskenlikleri
[redaktorlaw | derekti redaktorlaw]2006-jılı Qaraqalpaqstan Respublikası Joqarǵı Keńesiniń «Húrmet jarlıǵı» menen sıylıqlanǵan.
2019-jıl 28-avgustta «Doslıq» ordeni menen sıylıqlandı.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0