Kontentke ótiw

Jupargúl Qaniyazova

Wikipedia — erkin enciklopediya
Jupargúl Qaniyazova
Qaniyazova Jupargúl Orınbaevna
Tuwılǵan sánesi14-fevral 1980-jılı(1980-02-14) (46 jasta)
Tuwılǵan jeriShımbay rayonı
Puqaralıǵı Ózbekstan
Ilimiy tarawıádebiyattanıw, filologiya
Jumıs orınlarıQaraqalpaq mámleketlik universiteti
Bilim alǵan jeriQaraqalpaq mámleketlik universiteti
Ilimiy dárejesiFilologiya ilimleriniń doktorı (DSc, 2025)
Ilimiy ataǵıDocent (2020)
Belgili isleriSh. Seytov dóretiwshiligi hám túrkiy xalıqlar prozasın izertlew

Qaniyazova Jupargúl Orınbaevna (Жупаргүл Қаниязова; 1980-jıl 14-fevral, Shımbay rayonı) — qaraqalpaq ádebiyattanıwshı alımı. Filologiya ilimleriniń doktorı (DSc), docent.

Ómiri hám bilimi

[redaktorlaw | derekti redaktorlaw]

Jupargúl Qaniyazova 1980-jılı 14-fevralda Shımbay rayonında tuwıldı. Usı rayondaǵı 15-sanlı orta mektepti tamamladı. 1997–2001-jılları Qaraqalpaq mámleketlik universitetiniń filologiya fakultetiniń qaraqalpaq tili hám ádebiyatı bóliminde bakalavr, 2001–2003-jılları magistratura basqıshında oqıdı. 2003–2006-jılları aspirantura bóliminde bilim aldı.

Ilimiy iskerligin 2006-jılı Qaraqalpaq mámleketlik universitetinde assistent lawazımında basladı.

  • 2018–2020-jılları: Qaraqalpaq ádebiyatı kafedrasında docent wazıypasın atqarıwshı;
  • 2020-jıldan: Kafedra docenti;
  • 2021–2023-jılları: Doktorantura (DSc) basqıshında izertlew jumısların alıp bardı.

Ilimiy dóretiwshiligi

[redaktorlaw | derekti redaktorlaw]

J. Qaniyazova qaraqalpaq romanınıń poetikası hám túrkiy xalıqlar ádebiyatınıń salıstırmalı analizi boyınsha qániygelesken ilimpaz.

  • 2018-jılı «Sh. Seytov romanlarında xarakter jaratıw sheberligi («Xalqabad» roman-tetralogiyası mısalında)» degen temada filologiya ilimleri boyınsha filosofiya doktorı (PhD) dissertaciyasın jaqladı.
  • 2025-jılı «Qaraqalpaq, ózbek, qırǵız prozasında syujet hám obrazlar tipologiyası (Sh. Seytov, Sh. Xalmırzaev hám Sh. Aytmatovlar prozası mısalında)» degen temada filologiya ilimleriniń doktorı (DSc) dissertaciyasın tabıslı qorǵadı.
  • Qaraqalpaq ádebiyattanıwı hám ádebiy sın tariyxı. Oqıw qollanba. Tashkent, 2021 (Q. Járimbetov, P. Nurjanovlar menen birgelikte);
  • Túrkiy xalıqlar ádebiyatı. Oqıw qollanba. Tashkent, 2022 (Q. Turdıbaev penen birgelikte);
  • Sh. Seyitov romanlarında qaharman xarakterin jaratıw sheberligi («Xalqabad» roman-tetralogiyası mısalında). Monografiya. Tashkent, 2023;
  • Qaraqalpaq, ózbek, qırǵız prozasında syujet hám obrazlar tipologiyası (Sh. Seytov, Sh. Xalmırzaev hám Sh. Aytmatovlar prozası mısalında). Monografiya. Tashkent, 2024.
  1. ҚАРАҚАЛПАҚ ТИЛИ ҲӘМ ӘДЕБИЯТЫ ҚӘНИГЕЛИГИНЕ 90 ЖЫЛ. НӨКИС. «BILIM». 2025.