Kóbeysin Ernazarov
| Kóbeysin Ernazarov | |
|---|---|
 | |
| Tuwılǵan sánesi | 5-fevral 1944-jılı (81 jasta) |
| Tuwılǵan jeri | Qońırat rayonı |
| Dóretiwshilik túri | poeziya • proza |
| Oqıǵan jeri | Qaraqalpaq mámleketlik pedagogikalıq institutı (1962-1967) |
| Shıǵarmalarınıń tili | qaraqalpaq tili |
| Birinshi kitabı | «Bosaǵa» (1985) |
| Sıylıqları | Berdaq atındaǵı mámleketlik sıylıqtıń laureatı (1993) |
Kóbeysin Ernazarov (Көбейсин Ерназаров; 1944-jıl 5-fevral, Qońırat rayonı) — shayır hám jazıwshı.
Ómirbayanı
[redaktorlaw | derekti redaktorlaw]K. Ernazarov 1944-jılı 5-fevralda Qońırat rayonında tuwılǵan. Ol 1962-1967-jılları Qaraqalpaq mámleketlik pedagogikalıq institutınıń tariyx, qaraqalpaq tili hám ádebiyatı fakultetin tamamladı.
1967-1985-jılları Respublikalıq úlketanıw muzeyinde, Ózbekstan Ilimler Akademiyasınıń Qaraqalpaqstan bóliminin N. Dáwqaraev atındaǵı Til hám ádebiyat institutında ilimiy xızmetker, «Qaraqalpaqstan» baspasında redaktor bolıp isleydi. Onıń qosıqları hám gúrrińleri studentlik jıllarda «Sovet muǵallimi», «Jetkinshek» gazetalarında járiyalandı.
Ol 1999-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Sonday-aq, «Bosaǵa» (1985), «Muzalar dúnyası» (1988), «Jaqsılıq hám jamanlıq haqqında ertek» (1990), «Keshki saat altıdan keyin» (1992), «Saqal» (1994), «Esitpegen elde kóp» (1996), «Adaq qalasın izlep» (1997) atamasındaǵı poeziyalıq hám prozalıq toplamları baspadan shıqtı. Ol «Daǵıstan shayırları» (1983), «Planeta hawazı» (1987) toplamlarına kirgen bir qatar shıǵarmalardı, sonday-aq túrkmen shayırı A. Mámbetovtıń «Kewilimniń shar aynası» (1991) toplamın qaraqalpaq tiline awdarǵan.
K. Ernazarov 1993-jılı Qaraqalpaq folklorının 20 tomlıǵın jıynaw hám baspaǵa tayarlawǵa belsene qatnasqanlıǵı ushın Qaraqalpaqstan Respublikası Berdaq atındaǵı Mámleketlik sıylıqtı alıwǵa miyasar boldı.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0
Derekler
[redaktorlaw | derekti redaktorlaw]Sırtqı siltemeler
[redaktorlaw | derekti redaktorlaw]- «Adaq qalasın izlep...» kitabın júklep alıw;
- «Tımsallar» kitabın júklep alıw;
- «Ómirden uǵınǵanlarım hám ózgeler biz haqqında» kitabı júklep alıw.