Kópjúrsin Allanazarov

Kópjúrsin Allanazarov
Tuwılǵan sánesi	7-sentyabr 1982-jılı(1982-09-07) (43 jasta)
Tuwılǵan jeri	Tashkent
Puqaralıǵı	Ózbekstan
Kásibi	teatr hám kino aktyorı
Oqıǵan jeri	Tashkent mámleketlik kórkem óner institut
Filmleri	«Ájiniyaz» «Qalqan» «Ústirtke jol» «Teńiz» «Duzaq» «Bir dostıń bolsın» «Mehir kózi»
Perzentleri	1
Ataqları	Qaraqalpaqstan Respublikasına xızmet kórsetken artist (2022)

Kópjúrsin Allanazarov Aymuratovich (Көпжүрсин Алланазаров; 1982-jıl 7-sentyabr, Tashkent) — qaraqalpaq teatr hám kino aktyorı. Qaraqalpaqstan Respublikasına xızmet kórsetken artist, Berdaq atındaǵı Qaraqalpaq mámleketlik akademiyalıq muzıkalı teatrı vokal artisti.

Ómiri hám miynet jolı

Kópjúrsin Allanazarov 1982-jılı Tashkent qalasında dúnyaǵa kelgen. Nókis qalalıq 16-sanlı orta mektepte tálim alǵan.

Tashkent mámleketlik kórkem óner institutınıń magistratura bólimin 2007-jılı tabıslı juwmaqlaǵan hám sol jıldan baslap, teatrda óziniń dóretiwshilik miynet jolın baslaǵan. Sonday-aq, házirgi kúnge shekem Berdaq atındaǵı Qaraqalpaq mámleketlik akademiyalıq muzıkalı teatrı vokal artisti bolıp jemisli jumıs islep kelmekte.

Dóretiwshiligi

Usı dáwir ishinde aktyorlıq sheberligi, jaǵımlı dawısı, lirikalıq atqarıw sheberligi menen óz ıqlasbentlerine iye bolıp úlgerdi. Ol tek ǵana teatrda saxnalastırılǵan spektakllerde emes, bálkim, bir qansha filmlerge de súwretke túsip, búgingi kúnde proffesional kino aktyor dárejesine jetti.

Atap aytqanda, «Qaraqalpaqfilm» hám «Ózbekfilm» studiyaları tárepinen súwretke alınǵan «Ájiniyaz»,  «Qalqan», «Ústirtke jol», «Teńiz», «Duzaq», «Bir dostıń bolsın», «Mehir kózi» filmlerinde túrli xarakterdegi rollerdi atqarıp, tamashagóylerdiń júreginde úlken iz qaldırdı.

Shańaraǵı

Aktyor shańaraqlı, bir perzenttiń ákesi.

Jetiskenlikleri

Tájriybeli hám talantlı aktyordıń jemisli miynetleri ushın, 2022-jılı Qaraqalpaqstan Respublikasına xızmet kórsetken artist húrmetli ataǵı menen xoshametlengen.