Kúyikqala

Kúyikqala--- Qaraqalpaqstan Respublikasi Shimbay rayoniniń arqa tárepinde Qusqanataw átirapinda jaylasqan estelik bolip esaplanadi. Bul qalaniń maydani 41 gektar. Qala diywallari qam gerbishten órilip, 5-6 metrden ibarat. Kúyikqala Kerder elindegi eń úlken qalalardan biri bolip esaplanadi. Orta ásirlerde qalashaniń átiraplari Shortanbay (Kerder), Iyshanjap, Bekjap hám Arzijap kanallari menen suwǵarilǵan. Qalada temir eritiw, qola hám gúlálshiliq óndirisi bolǵan. Qusqanatawdaǵi Kúyikqalada jasaǵan xaliq qara úylerdiń tirnaǵina gerbish tósegen. Jáne de soni aytip ótiwimiz kerek, VI-VIII ásirlerge tiyisli astina gerbish tóselgen qara úydiń orni usi qaladan tabilǵan.