Karimbay Qurambaev

Karimbay Qurambaev
Tuwılǵan sánesi	10-noyabr 1942-jılı(1942-11-10)
Tuwılǵan jeri	«Hallang» awılı, Tashawız rayonı, Túrkmenstan
Qaytıs bolǵan sánesi	2022-jılı(2022)
Qaytıs bolǵan jeri	Nókis
Ilimiy tarawı	ádebiyattanıw, ózbek ádebiyatı, salıstırmalı ádebiyattanıw
Jumıs orınları	Qaraqalpaq mámleketlik universiteti, Nókis mámleketlik pedagogikalıq institutı
Bilim alǵan jeri	Tashkent mámleketlik universiteti
Ilimiy dárejesi	Filologiya ilimleriniń doktorı (1992)
Ilimiy ataǵı	Professor (1994)
Belgili isleri	Ózbek hám qaraqalpaq ádebiy baylanısları, Maqtımqulıtanıw
Sıylıqları	«Fidokorona xizmatlari uchun» ordeni, Qaraqalpaqstanǵa miyneti sińgen ilim ǵayratkeri

Qurambaev Karimbay (Кәримбай Қурамбаев; 1942-jıl 10-noyabr, Tashawız rayonı, Túrkmenstan — 2022-jıl) — ózbek hám qaraqalpaq ádebiyattanıwshısı, filologiya ilimleriniń doktorı, professor (1994). Ol ózbek hám túrkmen ádebiyatınıń qaraqalpaq ádebiy ortalıǵı menen baylanısın tereń izertlegen ilimpaz.

Ómiri hám bilimi

Karimbay Qurambaev 1942-jılı 10-noyabrde Túrkmenstannıń Tashawız wálayatında tuwıldı. 1965-jılı Tashkent mámleketlik universitetin (házirgi Ózbekstan milliy universiteti) tamamladı. 1970-jılı Ózbekstan Ilimler akademiyasınıń Til hám ádebiyat institutınıń aspiranturasına oqıwǵa kirdi.

Iskerligi

Miynet jolın 1965-jılı Tashawız rayonındaǵı mektepte muǵallim bolıp basladı hám keyinirek direktor orınbasarı lawazımında isledi.

• 1977-jıldan: Qaraqalpaq mámleketlik universitetiniń Ózbek tili hám ádebiyatı kafedrasında docent, keyinirek kafedra baslıǵı boldı.
• 1992–2001-jılları: Nókis mámleketlik pedagogikalıq institutı Filologiya fakultetiniń dekanı bolıp isledi.
• 2016–2018-jılları: NMPI Ózbek ádebiyatı kafedrasınıń baslıǵı lawazımında jemisli miynet etti.

Ilimiy dóretiwshiligi

K. Qurambaev milliy ádebiyatlardıń ózara baylanısı hám salıstırmalı ádebiyattanıw máseleleri boyınsha iri qániyge bolǵan.

• 1972-jılı «Ádebiyatlardıń ózara tásiri hám jazıwshı dóretiwshiliginiń ózine tánligi» degen temada kandidatlıq dissertaciyasın jaqladı.
• 1992-jılı Ashxabad qalasında «Milliy ádebiyatlardıń rawajlanıwında basqa milliy poetikalıq tájiriybelerdiń roli» degen temada doktorlıq dissertaciyasın tabıslı qorǵadı.

Miynetleri

• Hamza hám qaraqalpaq ádebiy ortalıǵı. Nókis, 1989;
• Kewil kewilden suw isher. Nókis, 1991;
• Vzaimnoe obogashenie literatur. Nókis, 1993;
• Adabiy ta’sirdan ijodiy o’ziga xoslikka. Nókis, 2007;
• Tarjima va tarjimon mas’uliyati. Tashkent, 2007;
• Maxtumquli – ilhom chashmasi. Tashkent, 2012.

Sıylıqları

Ilimpazdıń ilim hám bilimlendiriw tarawındaǵı xızmetleri joqarı bahalanǵan:

• 1994 — Ózbekstan Respublikasınıń «Húrmet jarlıǵı»;
• 1999 — «Qaraqalpaqstan Respublikasına miyneti sińgen ilim ǵayratkeri» húrmetli ataǵı;
• 2014 — Túrkmenstannıń «Maqtımqulı Pıraǵıy» xalıqaralıq mámleketlik sıylıǵı;
• 2021 — «Fidokorona xizmatlari uchun» ordeni.

Ádebiyatlar

1. ҚАРАҚАЛПАҚ ТИЛИ ҲӘМ ӘДЕБИЯТЫ ҚӘНИГЕЛИГИНЕ 90 ЖЫЛ. НӨКИС. «BILIM». 2025.