Karlo Buonaparte
| Karlo Buonaparte | |
|---|---|
fr. Charles Marie Bonaparte | |
 | |
| Jeke maǵlıwmatları | |
| Tuwılǵan sáne | 1746-jıl 27-mart |
| Tuwılǵan jeri | Ayachcho, Genuya respublikası |
| Qaytıs bolǵan sáne | 1785-jıl 24-fevral (38 jasta) |
| Qaytıs bolǵan jeri | Monpelye, Franciya patshalıǵı |
| Dinastiyası | Bonapartlar |
| Nekesiz zayıbı | Leticiya Ramolino |
| Anası | Mariya Saveriya Paravechini |
| Ákesi | Juzeppe Bonaparte |
Karlo Buonaparte (italyansha Carlo Maria Buonaparte, fr. Charles Marie Bonaparte; 1746-jıl 29-mart, Ayachcho, Korsika — 1785-jıl 24-fevral[1], Monpelye, Franciya patshalıǵı[2]) — korsikalı advokat hám siyasatshı, keń tarqalǵan Bonapartlar shańaraǵınıń tiykarın salıwshı, francuz imperatorı Napoleon I nıń ákesi.
Biografiyası
[redaktorlaw | derekti redaktorlaw]Karlo Buonaparte 1746-jılı 27-martta Ayachcho qalasında tuwıldı. Huqıqtanıwshı Juzeppe Buonaparte (1713-1763) úsh perzentiniń eń kishisi. Karlo dáslep ákesiniń izinen barıp, Piza universitetinde huqıqtan bilim aladı. Karlo on jeti jasqa shıqqanda tuwısqanları onı 13 jasar Leticiya Ramolino menen nekelestirdi.
1764-jılı Korsika respublikası baslıǵı Paskal Paolinıń járdemshisi bolip, ol onı Parij (Lyudovik XV) hám Rimge (papa Kliment XIII menen sóylesiwler ushın) diplomatiyalıq tapsırmalar menen jibergen. Franciya tárepinen Korsikanı basıp alıwı menen juwmaqlanǵan 1769-jılǵı kampaniyada Paolige adyutant bolǵan. Korsika ǵárezsizligi qulaǵannan keyin ol sırt elge kóship ketti, biraq tez arada qaytıp keldi hám Franciya tárepdarları partiyasına qosıldı.
Karlo Buonaparte Monpelya qalasındaǵı suwǵa barǵan waqtında rak keselliginen qaytıs bolıp, shańaraǵın kún kóriw múmkinshiligisiz qaldırǵan.
Shańaraǵı hám balaları
[redaktorlaw | derekti redaktorlaw]1764-jıldıń 2-iyunınan baslap Leticia Ramolinoǵa úylengen. Olardıń 13 perzenti bolıp, olardıń 5 ul hám 3 qızı erjetken jasqa jetken:
- Napoleone Bonaparte (1764/1765 — 1765-jıl 17-avgust)
- Mariya Anna Bonapart (1767-jıl 3-yanvar — 1768-jıl 1-yanvar)
- Jozef Bonapart (ital. Juzeppe) (1768-jıl 7-yanvar — 1844-jıl 28-iyul), Neapol patshası, keyinrek Ispaniya patshası.
- Napoleon I (ital. Napoleone) (1769-jıl 15-avgust — 1821-jıl 5-may), francuzlar imperatorı hám Italiya patshası.
- Mariya Anna Bonapart (1771-jıl 14-iyul — 1771-jıl 23-noyabr)
- Lyusyen Bonapart (ital. Luchano) (1775-jıl 21-may — 1840-jıl 29-iyun), Kanino hám Muzinyani knyazı.
- Eliza Bonapart (1777-jıl 13-yanvar — 1820-jıl 7-avgust), Toskaniyanıń ullı gercoginyası, Birinshi imperiyanıń divizion generalı hám Lukka hám Pombino húkimdar knyazı Feliks Paskal Bachiokkinıń zayıbı (1762-1841).
- Lui Bonapart (1778-jıl 2-sentyabr — 1844-jıl 25-iyul), Gollandiya patshası, Gortenziya Bogarnenıń (Jozefina Bogarnenıń qızı) kúyewi, 1852-1870-jılları francuzlar imperatorı Napoleon III nıń ákesi.
- Polina Bonapart (1782-jıl 24-mart — 1825-jıl 9-iyun), Gvastalla gersoginyası, Sulmon hám Rossano knyazı Kamillo Borgezenıń hayalı (1775-1832).
- Karolina Bonapart (1782-jıl 24-mart — 1839-jıl 18-may), Klev hám Berg ullı gercoginyası, Neapol Patshası, Neapol taxtında Jozef Bonaparttıń miyrasxorı, imperiya marshalı Ioaxim Myurattıń (1767-1815) zayıbı.
- Jerom Bonapart (1784-jıl 15-noyabr — 1860-jıl 24-iyun), Vestfaliya patshası.