Keńesbay Allambergenov

Keńesbay Allambergenov
Tuwılǵan sánesi	7-noyabr 1954-jılı(1954-11-07)
Tuwılǵan jeri	Qaraózek rayonı
Qaytıs bolǵan sánesi	23-mart 2023-jılı(2023-03-23) (68 jasta)
Puqaralıǵı	Ózbekstan
Milleti	qaraqalpaq
Ilimiy tarawı	ádebiyattanıw, filologiya, folklor
Jumıs orınları	Nókis mámleketlik pedagogikalıq institutı «Ámiwdárya» jurnalı
Bilim alǵan jeri	Nókis mámleketlik pedagogikalıq institutı
Ilimiy dárejesi	Filologiya ilimleriniń doktorı (1997)
Ilimiy ataǵı	Professor
Belgili isleri	Qaraqalpaq aytıs janrı hám «Edige» dástanın izertlew

Keńesbay Allambergenov (Кеңесбай Алламбергенов; 1954-jıl 7-noyabr, Qaraózek rayonı — 2023-jıl 23-mart) — belgili qaraqalpaq jazıwshısı, ádebiyatshı alım, filologiya ilimleriniń doktorı hám professor. Ol qaraqalpaq folklorı hám ádebiyatın izertlewde kózge kóringen ilimpazlardıń biri.

Ómiri hám bilimi

Keńesbay Allambergenov 1954-jılı 7-noyabrde Qaraózek rayonında tuwılǵan. 1971-jılı orta mektepti tamamlaǵannan soń, dáslep awıl xojalıǵı tarawında miynet etti.

1972–1976-jılları Nókis mámleketlik pedagogikalıq institutınıń (burınǵı Qaraqalpaq mámleketlik pedagogika institutı) tariyx-filologiya fakultetinde bilim aldı. Keyinirek, 1979–1982-jılları Qaraqalpaq mámleketlik universitetiniń aspirantura bóliminde oqıdı.

Iskerligi

Alımnıń iskerligi jurnalistika hám joqarı bilimlendiriw tarawları menen tıǵız baylanıslı:

• 1976-jıl: «Jetkinshek» gazetasında jumıs isledi.
• 1976–1977-jılları: Áskeriy xızmette boldı.
• 1977–1979-jılları: Kásip-texnikalıq uchilishesinde oqıtıwshı.
• 1982–1989-jılları: Qaraqalpaq mámleketlik universitetinde oqıtıwshı hám dekan orınbasarı.
• 1989–1991-jılları: «Ámiwdárya» jurnalınıń bas redaktorı lawazımında isledi.
• 1991-jıldan: Ájiniyaz atındaǵı Nókis mámleketlik pedagogikalıq institutında Qaraqalpaq ádebiyatı kafedrasınıń baslıǵı, oqıw isleri boyınsha prorektor, fakultet dekanı lawazımlarında jemisli miynet etti.

Ilimiy dóretiwshiligi

K. Allambergenov qaraqalpaq ádebiyatınıń janrlıq ózgesheliklerin hám xalıq dástanların tereń izertledi:

• 1985-jılı «Qaraqalpaq ádebiyatında aytıs janrı» degen temada kandidatlıq dissertaciyasın jaqladı.
• 1997-jılı «Qaraqalpaq xalıq dástanı «Edige» degen temada doktorlıq dissertaciyasın tabıslı qorǵadı.

Alımnıń kórkem shıǵarmalarınan gúrrińleri túrk tilinde «Karakalpak Yazarı Kenesbay Allambergenov'un Seçme Hikayeleri (İnceleme-Metin-Aktarma)» degen atamada Erdal Aydoğmuş avtolıǵında baspadan shıqqan.