Klod-Viktor Perren

Klod-Viktor Perren (fr. Claude-Victor Perrin; 1764-jıl 7-dekabr — 1841-jıl 1-mart) — Imperiya marshalı (1807), Belluno gercogi (1808), Franciya áskeriy ministrı (1821-1823). Marshal Viktor laqabı menen tanılǵan (fr. Beau Soleil — «ájayıp quyash»).

Biografiyası

Notarius balası. Xizmetke 15 jasında kirgen, 1781-jılı Grenobl artilleriya polkınıń barabanshısı bolǵan. Oktyabrde Drom departamenti 3-batalyonınıń volontyorı boldı.

Respublika armiyasında tezlik penen ósip, unter-oficer (1792-jıldıń bası) hám brigada generalı (1793-jıldıń 20-dekabrinde berilgen) dárejesine kóterildi.

Klod-Viktor Perren jaslıǵında. Súwretshi Jorj Ruje.

Tulondı alıwda qatnasqan (1793), sol jerde Napoleon (ol waqıtta ele kapitan edi) menen tanısqan.

1796-1797-jıllardaǵı Italiya júrisleri waqtında Ankonanı iyeleydi.

Keyingi urıslarda Montebello (1800), Marengo, Yena hám Fridland urıslarında jeńiske erisiwge járdem berdi. Bul sońǵı sawash ushın Perren marshallıq tayaqshasın aldı.

1800-1804-jılları Batava respublikası áskerlerınıń sárkardası bolǵan. Keyin diplomatiyalıq xızmette — Franciyanıń Daniyadaǵı elshisi bolǵan.

1806-jılı qaytadan hárekettegi armiyada, 5-korpus shtabı baslıǵı etip tayınlandı. Dancigtı qamal etti.

1808-jılı Ispaniyada háreket etip, Ukles, Medelin hám Espinos-de-los-Monteroslarda jeńiske eristi.

1812-jılı Rossiyaǵa atlanısta qatnastı.

1813-jılı Drezden, Leypcig hám Ganaudaǵı sawashlarda ózin kórsetedi.

1814-jılǵı urısta awır jaralanǵan.

Montrou sawashına keshigiwi sebepli Napoleon korpus komandirliginen shetletilip, Jerar menen almastırıldı.

Parij pitiminen keyin Perren Burbonlar tárepine ótti.

«Júz kún» dep atalıwshı dáwirde Lyudovik XVIII izinen Gentke baradı hám ol jerden qaytıp kelgennen keyin Franciya perine aylandırıladı.

1821-jılı áskeriy ministr lawazımın iyeledi, biraq Ispaniya kampaniyası baslanıwı (1823) dawamında bul lawazımın taslap, Angulem gercogi izinen Ispaniyaǵa ketti.