Kontentke ótiw

Lee Jong-suk

Wikipedia — erkin enciklopediya
Lee Jong-suk
koreysshe: 이종석
súwret
Tuwılǵan sánesi14-sentyabr 1989-jılı(1989-09-14) (36 jasta)
Tuwılǵan jeriYongin, Gyeongi provensiyası, Qubla Koreya
Puqaralıǵı Qubla Koreya
Milletikoreys
Kásibimodel  • aktyor
Oqıǵan jeriYangjae joqarı mektebi, Konkuk universiteti
Iskerlik jılları2005-jıldan házirge shekem
ÁkesiLi Xan Kyu
Saythttps://www.instagram.com/jongsuk0206/
Qol úlgisi

Lee Jong-suk (koreysshe: 이종석; 1989-jılı 14-sentyabr) — Qubla koreyalı aktyor hám model. Ol 2005-jılı biyik jolı modeli sıpatında debyut etip, Seul moda hápteliginde qatnasqan eń jas erkek modelge aylandı. Leediń tabıslı roli «School 2013» (qaraqalpaqsha «Mektep 2013») (2012) hám «I Can Hear Your Voice» (qaraqalpaqsha «Dawısıńızdı esitemen») (2013) kinoları boldı. Ol sonday-aq, «Doctor Stranger» (2014) (qaraqalpaqsha «Belgisiz shıpaker»), «Pinokkio» (2014), «W» (2016), «While You Were Sleeping» (2017) (qaraqalpaqsha «Sen uyıqlap atırǵanda»), «Big Mouth» (qaraqalpaqsha «Úlken awız») (2022) kinofilmlerindegi rolleri menen de belgili.

Bilimlendiriw

[redaktorlaw | derekti redaktorlaw]

Lee Konkuk universitetinde professional kinofilmler hám kórkem óner qánigeligine qánigelesken fakultette oqıǵan hám 2016-jılı universitetti tamamlaǵan[1].

Iskerligi

[redaktorlaw | derekti redaktorlaw]

Lee óziniń modellik iskerligin (15 jas) 2005-jılı Seul kollekciyası jolında baslaǵan hám ol Seul moda hápteliginde,Seul kollekciyası baǵdarlamasında debyut etken eń jas erkek modelge aylandı. Sonnan berli ol kóplegen moda kórgizbelerinde qatnastı[2][3].

Lee úsh ay dawamında «Idol» toparınıń aǵzası sıpatında tayarlandı hám debyut etiw ushın agentlik penen shártnamaǵa qol qoydı. Biraq, agentlik onıń aktyor sıpatındaǵı debyut etiwi haqqındaǵı wádesin buzǵanınan keyin, jumıstan bosadı[4]. Ol orta mektepte oqıp júrgeninde SBS telekanalında aktyorlar tańlawında qatnasqan.

2010-jılı Lee Qubla Koreyanıń «Prokuror malika» teleserialında rásmiy aktyorlıq debyutın ótkerdi. Sonday-aq, ol «Arvoh» (qaraqalpaqsha «Arwax») atlı qorqınıshlı kinosında óziniń úlken ekranlı debyutın ótkerdi.

Lee «Bog' sirlari» (qaraqalpaqsha «Baǵ sırları ») dramasındaǵı járdemshi rolinen soń tán alına baslandı, ol jerde talantlı jas kompozitor menen qopal múnásibette bolǵan hám bas rol qadaǵan etilgen edi[5][6]. 2011-jılı ol MBCniń «Kuchli zarba,3-mavsum» (qaraqalpaqsha «Kúshli soqqı 3-máwsim») sitkomında payda boldı hám ol jerde jáne de belgili boldı[7][8]. Lee, sonday-aq, 2012-jılı «R2B: Bazaǵa qaytıw», 1986-jılı islengen «Top mıltıq» kinosında da rol oynadı[9].

Lee Jong-suk orta mektep oqıwshısı sıpatında «School 2013» (qaraqalpaqsha «Mektep 2013») óspirimler dramasında rol oynadı[10][11]. Ol usı roli ushın óziniń birinshi aktyorlıq sıylıǵın 2012-jılı KBS Drama sıylıqlarında «Eń jaqsı jańa aktyor»«» nominaciyasında aldı[12]. Sonday-aq, ol «Gallup Korea» tárepinen ótkerilgen «2013-jılda juldızı janǵan aktyorlar» sorawnamasında besinshi orındı iyeledi.

«School 2013» (qaraqalpaqsha «Mektep 2013») kinosınıń tabısınan keyin Lee sınshılar tárepinen tán alınǵan «I Can Hear Your Voice» (qaraqalpaqsha «Dawısıńızdı esitemen») serialında Lee Bo Yon menen birge rol oynadı. Ol sananı oqıy alatuǵın aqıllı jigit Park Su Xa rolin oynadı[13]. Dáslep 16 bólimge mólsherlengen drama tabıslı reytingleri sebepli eki bólimge sozıldı[14]. Ol óziniń atqarıwındaǵı roli ushın «Korea Drama Awards» máresiminde erkekler nominaciyasında «Excellence Award» sıylıǵın alıwǵa miyassar boldı[15]. Keyin Lee «No Breathing» (qaraqalpaqsha «Dem almaw») sport filminde rol oynadı hám «The Face Reader» (qaraqalpaqsha «Júzinen oqıp alıwshı») filminde járdemshi rolde oynadı[16][17].

Jeke ómiri

[redaktorlaw | derekti redaktorlaw]

Lee model-aktyor hám «School 2013» (qaraqalpaqsha «Mektep 2013») kinosınıń qos juldızı Kim U-bin menen jaqsı dos bolıp, onı modellik dáwirinen berli tanıytuǵın edi[18][19]. Ol 89Mansion restoran-kafesiniń iyesi edi[20]. Kafe 2020-jıl 14-sentyabrde COVID-19 pandemiyasınıń tásirleri sebepli birotala jabıldı. 2022-jıldıń dekabr ayında Leediń qosıqshı, aktrisa IU menen múnásibette ekeni tastıyıqlandı.

Áskeriy xızmeti

[redaktorlaw | derekti redaktorlaw]

Lee 2019-jıl 8-martta májbúriy áskeriy xızmetin basladı. Lee 16 jasında jol transport hádiysesine ushırap, aldınǵı atanaq baylamın jırtıp alıwı nátiyjesinde áskeriy xızmetke shaqırıwǵa jaramsız dep tabıldı. Sol sebepli ol mámleketlik xızmet xızmetkeri lawazımında islewi tastıyıqlandı hám 2020-jıl 31-dekabrde shıǵarılıwı kerek edi[21][22]. Ol 2021-jıl 2-yanvarda shıǵarıldı[23].

Qayırqomlıq

[redaktorlaw | derekti redaktorlaw]

2022-jıl 7-mart kúni Lee Kyongbuk wálayatınıń Uljin qalasında baslanıp, Qanvon wálayatınıń Samchuk qalasına tarqalǵan úlken toǵay órtinde jábirlengenlerge járdem beriw ushın «Úmit kópiri» apatshılıqqa qarsı gúresiw associaciyasına 100 million von sawǵa etti[24].

Derekler

[redaktorlaw | derekti redaktorlaw]
  1. ↑ «Lee Jong-suk graduates Konkuk Univ.».
  2. ↑ «Models rushing to small screen».
  3. ↑ «Lee Jong-suk emerging as new Asian star».
  4. ↑ «Lee Jong Seok Says He Can't Call Himself an Actor Yet». 6-mart 2016-yilda túp nusqadan arxivlendi.
  5. ↑ «[INTERVIEW Actor Lee Jong-suk»].
  6. ↑ «Actor Lee Jong-suk's Song Picks».
  7. ↑ «MBC 일일시트콤 하이킥! 짧은 다리의 역습 메인 페이지» (ko).
  8. ↑ «Lee Jong Seok Says 'High Kick 3' was the Jewel of His Life». 7-sentabr 2017-yilda túp nusqadan arxivlendi.
  9. ↑ «[Interview Part I The Pretty Boy Lee Jong Seok Takes a Turn with 'R2B'»]. 7-sentabr 2017-yilda túp nusqadan arxivlendi.
  10. ↑ «Lee Jong Seok, Kim Woo Bin, Park Se Young, 5dolls' Hyoyoung Cast as Main Students for School 5». 19-avgust 2017-yilda túp nusqadan arxivlendi.
  11. ↑ «Lee Jong-suk Unveils Still-shots from KBS "School 2013"». 2-dekabr 2019-jılda túp nusqadan arxivlendi.
  12. ↑ «Big Winners of 2012 Announced at Drama Awards Ceremonies of Major Broadcasters». 15-aprel 2014-yilda túp nusqadan arxivlendi.
  13. ↑ «Drama gives 'Voice' to unique storylines».
  14. ↑ «Lee Jong-suk's I Can Hear Your Voice Extended by 2 Episodes». 28-mart 2014-yilda túp nusqadan arxivlendi.
  15. ↑ «Lee Jong-suk, Kim Dong-wan and Seo Hyeon-jin receive awards». TV Daily.
  16. ↑ «Actors take plunge into swimming roles». 2-fevral 2014-yilda túp nusqadan arxivlendi.
  17. ↑ «Director and Stars Gather for THE FACE READER Press Conference».
  18. ↑ «Lee Jong Suk says Kim Woo Bin is the Only Friend He Can Lean On». 8-fevral 2014-yilda túp nusqadan arxivlendi.
  19. ↑ «Strong friendships among male celebrities».
  20. ↑ «LOOK: Korean actor Lee Jong-suk has a cafe in Seoul».
  21. ↑ «Lee Jong-suk is reporting for duty».
  22. ↑ «Actor Lee Jong-suk leaves for alternative military service».
  23. ↑ «이종석, 오늘(2일) 소집해제..'마녀2' 특별 출연으로 만날까».
  24. ↑ «이종석, 산불 피해 이재민 지원 위해 1억원 기부» (ko). SBS.
«https://kaa.wikipedia.org/w/index.php?title=Lee_Jong-suk&oldid=180910» saytınan alınǵan