Lee Min-ho
| Lee Min-ho | |
|---|---|
| 이민호 | |
.jpg) | |
| Tuwılǵan sánesi | 22-iyun 1987-jılı (38 jasta) |
| Tuwılǵan jeri | Seul, Qubla Koreya |
| Puqaralıǵı | Koreya |
| Kásibi | Aktyor, qosıqshı |
| Iskerlik jılları | 2003-jıldan házirge shekem |
| Sayt | .leeminh |
Lee Min-ho (koreysshe: 이민호; 1987-jıl 22-iyun)[1] — Qubla koreyalı kino juldızı hám qosıqshı[2]. Ol 2009-jılda óziniń «Boys Over Flowers» kinosındaǵı Gu Jun Pyo roli arqalı Koreyada hám Aziyanıń ayırım bólimlerinde ataqlı boldı. Bul roli arqalı Min-ho, 45-Baeksang Arts Awards da eń jaqsı jańa aktyor sıylıǵın aldı. Onıń teleseriallardaǵı ataqlı bas rolleri: «City Hunter» (2011), «The Heirs» (2013), «Legend of the Blue Sea» (2016). Min-honıń Aziyadaǵı televizion seriallardaǵı jeńisi onı Hallywood juldızına aylandırdı. Televizion iskerliginen tısqarı, Lee «Gangnam Blues» (2015) kinosındaǵı birinshi bas rolin oynaǵan, onnan keyin iskerliginde birinshe márte Qıtayda islep shıǵarılǵan «Bounty Hunters» kinosında oynaǵan.
Ómirbayanı
[redaktorlaw | derekti redaktorlaw]Lee Min-ho 1987-jılı 22-iyunda Qubla Koreyanıń Seul qalasında tuwılǵan. Onıń shańaraǵında anası, ákesi hám bir qarındası jasaydı. Lee Min-ho jaslıǵında futbol oyınshısı bolıwdı qálegen, biraq baslawısh mekteptiń 5-klasında alǵan jaraqatı bul ármanların joq qıldı.Soǵan qaramastan, Lee Min-ho elege shekem futbol menen shuǵıllanıp kelmekte hám Nal-do Honi eń jaqsı oyınshısı sıpatında esleydi.
Iskerligi
[redaktorlaw | derekti redaktorlaw]Lee Min-ho orta mekteptegi iskerliginiń ekinshi jılında itibarın aktyorlıqqa qarattı. Lee Min-ho orta mektepte oqıp atırǵan waqtında, ol tanıslarınıń járdemi menen «Starhaus Entertainmentqa» qosıldı. Trenińnen ótkennen soń, Min-ho rollerdi atqarıwdı basladı hám bir neshe televiziyalıq dramalarda kishi rollerde oynaydı. Onıń tiykarǵı jetiskenligi Gu Jun-pyanıń KBS2niń «Boys Over Flowers» dramasında Gu Jun-pyanıń bas rolin atqarıwı menen baslandı. Televiziyalıq seriallar júdá belgili bolıp, turaqlı túrde Qubla Koreyada 30% ten joqarı bahalardı aldı. Lee Min-ho házirgi waqıtta Konkuk universitetinde kino hám kórkem óner baǵdarı boyınsha qánige. 2011-jılı Lee Min-ho belgili «The Cinty Hunter» serialında rol oynadı. Drama Tsukasa Xojanıń yapon mangasına tiykarlanǵan. Onıń dramadaǵı sherigi Park Min-Yong edi. Olar bir-birin shama menen 5 jıl dawamında bilgen hám bunnan aldın KBS2 niń 2007-jılda islengen «I am Sam» dramasında birge oynaǵan. Lee Min-ho hám Park Min-Yongtıń basqarıw agentlikleriniń aytıwına kóre, «City Hunder» kinosın súwretke alıw procesinde olardıń bir-birine qarata sezimleri kúsheygen. «City Hunder» tamam bolǵannan soń, olar anıq múnásibette boladı hám turmıs quradı.
Filmografiyasi
[redaktorlaw | derekti redaktorlaw]| Jıl | Inglisshe atı | Tiykarǵı atı | Rol |
|---|---|---|---|
| 2008 | Public Enemy Returns | 강철중: 공공의 적 1-1 | Jung Ha-yeon |
| 2008 | Our Schoolʼs E.T. | 울학교 이티 | Oh Sang-hoon |
| 2015 | Gangnam Blues | 강남 1970 | Kim Jong-dae |
| 2016 | Bounty Hunters | 바운티 헌터스 | Yi San |
| 2003 | Sharp | 성장드라마 반올림 | Student |
| 2004 | Nonstop 5 | 논스톱 5 | MC Mong |
| 2005 | Recipe of Love | 사랑찬가 | ofitsiant |
| 2006 | Secret Campus | 비밀의 교정 | Park Du-hyun |
| 2007 | Mackerel Run | 달려라 고등어 | Cha Gong-chan |
| 2007 | I Am Sam | 아이엠샘 | Heo Mo-se |
| 2008 | Get Up | 나도 잘 모르지만 | Min Wook-gi |
| 2009 | Boys Over Flowers | 꽃보다 남자 | Gu Jun-pyo |
| 2010 | Personal Taste | 개인의 취향 | Jeon Jin-ho |
| 2011 | City Hunter | 시티헌터 | Yoon-sung |
| 2012 | Faith | 신의 (神医) | Choi Young |
| 2013 | The Heirs | 왕관을 쓰려는 자, 그 무게를 견뎌라 – 상속자들 | Kim Tan |
| 2016 | Legend of the Blue Sea | 푸른 바다의 전설 | Kim Dam-ryeong/Heo Joon-jae |
| 2017 | DMZ, The Wild | DMZ 야생의비밀 | óziniń atı |
| 2020 | The King: Eternal Monarch | 더 킹: 영원의 군주 | Emperor Lee Gon |
Sıylıqları
[redaktorlaw | derekti redaktorlaw]- 2016 SBS Drama Awards — 2016-jıl 31-dekabr
- Eń jaqsı aktyor (janr/fantaziya) (Kók teńiz ápsanası)
- Top 10 juldız (Kók teńiz ápsanası)
- Eń jaqsı juplıq sıylıǵı (Kók teńiz ápsanası)
- 2015-jıl (36-sanlı) Moviy Dragon Film Awards — 2015-jıl 26-noyabr
- Ataqlılıq sıylıǵı
- 2015-jıl (52-sanlı) Daejong Film Awards — 2015-jıl 20-noyabr
- Eń jaqsı jańa aktyor (Gangnam Blues)
- 2015 (51-sanlı) BaekSang Arts Awards — 2015-jıl 26-may
- Eń belgili aktyor (Gangnam Blues )
- 2013 SBS Drama Awards — 2013-jıl 31-dekabr
- Eń jaqsı aktyor (arnawlı drama) (Miyrasxorlar)
- Ten Star sıylıǵı (Miyrasxorlar)
- Eń jaqsı Netizen sıylıǵı (Miyrasxorlar )
- Eń jaqsı kiyingen sıylıq (Miyrasxorlar)
- En jaqsı juplıq sıylıǵı (Miyrasxorlar)
- 12-China Fashion Awards — 2013-jıl 18-yanvar
- Aziyadaǵı eń belgili aktyor sıylıǵı
- 2012 SBS Drama Awards — 2012-jıl 31-dekabr
- Eń jaqsı aktyor (mini serial) (Isenim)
- On juldız sıylıǵı (Qala awshısı)
Media tásiri
[redaktorlaw | derekti redaktorlaw]2018-jıl iyun jaǵdayına qaraǵanda Min-ho Twitterde 3 million, Weibo hám Facebookta bolsa 29 million hám 17,4 million ıqlasbentke iye. 2014 hám 2015-jıllarda Lee Qıtaydıń kewilashar jurnalı tárepinen ótkerilgen «Aziya erkek qudayı» degen atqa miyasar bolǵan onlayn sorawnamada qatnastı. 2017-jılı Lee AQShtaǵı Koreya tolqını ıqlasbentleri tárepinen eń kóp kórilgen koreys aktyorı sıpatında tańlandı.
Derekler
[redaktorlaw | derekti redaktorlaw]- ↑ «Lee Min-ho (이민호, Korean actor) @ HanCinema :: The Korean Movie & Drama Database». HanCinema. Qaraldı: 18-avgust 2018-yil.
- ↑ «[10LINE Lee Min-ho»]. 10Asia (21-oktabr 2009-yil).
Siltewler
[redaktorlaw | derekti redaktorlaw]- Rásmiy saytı (koreys tilinde)
- Rásmiy saytı (yapon tilinde)
- Instagramda Lee Min-ho