Kontentke ótiw

Leonor (Asturiya malikası)

Wikipedia — erkin enciklopediya
Leonor de Todos los Santos de Borbón y Ortiz
Asturiya malikası
Jeke maǵlıwmatları
Tuwılǵan sáne31-oktyabr 2005-jılı(2005-10-31) (20 jasta)
Tuwılǵan jeriIspaniya, Madrid
Tálim ornıAtlantika kolledji(2023, may)
Saragosadaǵı áskeriy akademiya(2024 iyun)
Áskeriy teńiz akademiyası
Qolı

Leonor de Todos los Santos de Borbón y Ortiz (31-oktyabr 2005-jıl, Madrid) — Asturiya malikası, 2014-jıl 19-iyunnan baslap Ispaniya taxtınıń miyrasxorı. Ispaniya koroli Filipp VI hám onıń zayıbı Letisiyanıń tuńǵısh qızı, Ispaniya koroli Xuan Karlos I hám xanım Sofiyanıń aqlıǵı. Infanta Sofiyanıń ájapası.

Ómirbayanı

[redaktorlaw | derekti redaktorlaw]

Balalıq dáwiri

[redaktorlaw | derekti redaktorlaw]

Asturiya malikası Leonor 2005-jıl 31-oktyabrde túngi saat 1:46-da Madridtegi Rubera xalıqaralıq emlewxanasında dúnyaǵa keldi.[1] Ol sol dáwirdegi taxt miyrasxorı shaxzada Filipp hám onıń zayıbı bolǵan Letisiyanıń shańaraǵındaǵı birinshi perzent boldı. 2006-jıl 14-yanvarda Sarsuela sarayında kardinal Antonio Rouko Varela shoqındırıw máresimin ótkizip, oǵan seksennen aslam adam qatnastı. Dástúr boyınsha, Leonor Iordan dáryasınıń suwı menen shoqındırıldı. Oǵan Leonor de Todos los Santos de Borbón y Ortiz atı berildi. Oǵan shoqındırıw ata-anası (wákil ata-anası) sıpatında Ispaniyanıń sol dáwirdegi koroli hám xanımı — ákesi tárepinen atası hám ájesi boldı.[2]

2010-jılǵı futbol boyınsha Jáhan chempionatında Ispaniya milliy komandasınıń jeńiske erisiwine baylanıslı Korollik saraydıń Baǵanalı zalında ótkizilgen rásmiy máresimge birinshi márte qatnastı. Bul ilájǵa korol hám onıń zayıbı, ata-anası, infanta Sofiya hám infanta Elena menen birge bardı. 2015-jıl 20-mayda Nuestra-Sinyora-de-la-Asunsyon shirkewinde birinshi márte alǵashqı prichastie máresimine qatnastı.[3]

2021-jıl 28-mayda qásiyetli may jaǵıw máresiminen qatnastı.[4]

Bilimi

[redaktorlaw | derekti redaktorlaw]

Malikas Leonor Ispaniya korollik gvardiyasınıń balalar baǵshasına bardı, al 2008-jıl 15-sentabrden baslap Madrid átirapındaǵı Santa-Mariya-de-los-Rosales mektebinde bilim aldı. Bul mektepte oǵan shekem ákesi, Ispaniya koroli VI Filipp te oqıǵan.[5][6] 2021-jılı Atlantika birlesken dúnyajúzilik kolledjine oqıwǵa kirdi.[7] 2023-jıl may ayında ol oqıwın tamamladı.[8] Avgust ayında malika Leonor úsh jılǵa sozılatuǵın áskeriy tayarlıqqa kiristi. Malikanıń birinshi oqıw jılı Saragosadaǵı Ulıwma áskeriy akademiyada, ekinshi jılı — Áskeriy-teńiz uchilishesinde, al úshinshi jılı Ulıwma aviaciya akademiyasında ótedi.

Taxt miyrasxorı

[redaktorlaw | derekti redaktorlaw]

2014-jıl 19-iyunda atası I Xuan Karlos taxttan bas tartqannan keyin, malika Leonor Ispaniya taxtınıń miyrasxorı boldı.[9]

2018-jıl sentabrden baslap malika Leonor kópshilik aldında 4 márte sóz sóyledi: birinshisi Kovadongada Asturiya korolliginiń 1300 jıllığına baylanıslı bolıp ótti.[10][11] 2019-jıldıń gúzinde Leonor Asturiya malikası sıylıǵın tapsırıw máresiminde hám Jirona malikası fondınıń sıylıqlaw saltanatında ekinshi márte sóz sóyledi.[12][13]

2022-jıl dekabrde malika Leonor Madridtegi Ispaniya Qızıl Krest shólkeminiń shtab-kvartirasına barıp, Jaslar Qızıl Krestiniń jas volontyorları menen ushırastı.

2023-jıl 7-oktyabrde ózi bilim alıp atırǵan Áskeriy akademiyada ata-anasınıń qatnasıwında Ispaniya bayraǵına ant berdi.[14] Úsh hápte ótip, 31-oktyabrde — 18 jasqa tolǵan kúni — malika arnawlı máresimde Ispaniya Konstituciyasına hadallıq antın berdi. Ol óz antında «óz minnetlemelerin hadallıq penen atqarıwǵa, konstituciya hám nızamlardıń saqlanıwın támiyinlewge, puqaralar hám avtonomiyalıq birlespelerdiń huqıqların húrmetlewge hám korolge hadal bolıwǵa» wáde berdi.[15][16] Máresim aqırında mámleketlik gimniniń bir bólegi aytıldı.

2024-jıl 12-iyulda malika Leonor mámleket prezidenti Marselu Rebelu de Souzanıń shaqırıwı menen Portugaliyaǵa barıp, óziniń birinshi rásmiy shetel saparın ámelge asırdı.[17] Oǵan bul birinshi shetel saparında Sırtqı isler ministri Xose Manuel Albares hám koroldıń jeke xatkeri Kamilo Vilyarino birge bardı.[18] Sapar dawamında malika Lissabon okeanariumın, Jeronimush monastırın hám eki mámleket wákilleriniń ushırasıwı ótken Belen sarayın araladı.[19]

Lawazımları

[redaktorlaw | derekti redaktorlaw]

Ispaniya taxtınıń miyrasxorı sıpatında Asturiya malikası lawazımın iyeleydi. Sonıń menen birge, Ispaniya Konstitutsiyasının 57-statyasına muwapıq, tómendegi qosımsha lawazımlardı iyeleydi:

Aragon taxtınıń miyrasxorı sıpatında — Jirona malikası;

Navarra taxtınıń miyrasxorı sıpatında — Viana malikası;

Kataloniya taxtınıń miyrasxorı sıpatında — Monblan gercoginyası;

Valensiya taxtınıń miyrasxorı sıpatında — Servera grafinyası;

Malorka taxtınıń miyrasxorı sıpatında — Balager senyorası.

Sawǵaları (Sıylıqları)

[redaktorlaw | derekti redaktorlaw]
  • Altın runa ordeniniń shınjırı (2015-jıl 30-oktyabr) — Taxt miyrasxorı sıpatında berildi.[20] Madridtegi korollik sarayında ótkizilgen máresimde oǵan ákesi, Ispaniya koroli VI Filipp tapsırdı.[21]
  • III Karlos ordeni shınjırınıń daması (2023-jıl).
  • «Áskeriy miyneti úshın» ordeniniń Úlken krest daması (ak divizion) (2024-jıl).
  • «Áskeriy-teńiz miyneti úshın» ordeniniń Úlken krest daması (ak divizion) (2025-jıl).
  • Xristos áskeriy ordeniniń Úlken krest daması (Portugaliya, 2024-jıl 12-iyul).

Derekler

[redaktorlaw | derekti redaktorlaw]
  1. ↑ Charo Marcos, Olalla Cernuda. «Letizia Ortiz da a luz una niña» (es). elmundo.es (2005-jıl 31-oktyabr). 2019-jıl 7-fevral sánesinde túp nusqadan arxivlendi. Qaraldı: 2024-jıl 27-yanvar.
  2. ↑ Carmen Remírez de Ganuza. «La Infanta Leonor sólo abrió los ojos en su bautizo al recibir el agua del río Jordán» (es). elmundo.es (2015-jıl 20-may). 2021-jıl 1-iyul sánesinde túp nusqadan arxivlendi. Qaraldı: 2024-jıl 27-yanvar.
  3. ↑ María Porcel. «La Princesa Leonor, tras su primera comunión: 'Estaba muy nerviosa'» (es). elmundo.es (2021-jıl 28-may). 2023-jıl 28-sentyabr sánesinde túp nusqadan arxivlendi. Qaraldı: 2024-jıl 27-yanvar.
  4. ↑ María Porcel. «La princesa Leonor recibe la confirmación con su padre, Felipe VI, como padrino» (es). elpais.com (2021-jıl 28-may). 2023-jıl 26-may sánesinde túp nusqadan arxivlendi. Qaraldı: 2024-jıl 27-yanvar.
  5. ↑ «La Infanta Leonor: 'Hoy empiezo el cole de mayores'» (es). elmundo.es (2008-jıl 15-sentyabr). 2024-jıl 27-yanvar sánesinde túp nusqadan arxivlendi. Qaraldı: 2024-jıl 27-yanvar.
  6. ↑ «Leonor, la niña que empieza a ser princesa» (es). rtve.es (2014-jıl 19-iyun). 2024-jıl 27-yanvar sánesinde túp nusqadan arxivlendi. Qaraldı: 2024-jıl 27-yanvar.
  7. ↑ «Spanish princess Leonor to attend UWC Atlantic College in Wales». BBC (2021-jıl 10-fevral). 2021-jıl 15-avgust sánesinde túp nusqadan arxivlendi. Qaraldı: 2021-jıl 28-mart.
  8. ↑ «La princesa Leonor se gradúa en Gales con un reconocimiento a su “pasión por comprender a los demás”» (es). elpais.com (2023-jıl 20-may). 2024-jıl 17-yanvar sánesinde túp nusqadan arxivlendi. Qaraldı: 2024-jıl 27-yanvar.
  9. ↑ «Lenta.ru: Мир: Политика: Испанский монарх отрёкся от престола». 2021-jıl 24-yanvar sánesinde túp nusqadan arxivlendi. Qaraldı: 2020-jıl 30-avgust.
  10. ↑ Abellán, Lucía (2018-09-08). "La princesa Leonor estrena su agenda oficial de viajes en Asturias" (in es). El País. https://elpais.com/politica/2018/09/08/actualidad/1536398715_714338.html?rel=str_articulo#1542872684869.
  11. ↑ "La princesa Leonor lee en su primera intervención pública el artículo 1 de la Constitución" (in es). Corporación de Radio y Televisión Española. 2018-10-31. http://www.rtve.es/noticias/20181031/princesa-leonor-leera-su-primera-intervencion-publica-articulo-1-constitucion/1829982.shtml.
  12. ↑ "El histórico primer discurso de Leonor en los Premios Princesa de Asturias" (in es). Hola!. 2019-10-18. https://www.hola.com/realeza/casa_espanola/20191018152057/princesa-leonor-discurso-premios-princesa-asturias/.
  13. ↑ "Leonor sorprende en los Princesa de Girona con su discurso en catalán, inglés y árabe" (in es). El Español. 2019-11-04. https://www.elespanol.com/corazon/casas-reales/20191104/leonor-sorprende-princesa-girona-discurso-catalan-ingles/441956687_0.html.
  14. ↑ «Jura de Bandera de la Princesa Leonor: Horario y dónde ver hoy por TV» (es). ELMUNDO (2023-jıl 6-oktyabr). 2023-jıl 7-oktyabr sánesinde túp nusqadan arxivlendi. Qaraldı: 2023-jıl 7-oktyabr.
  15. ↑ «Будущая королева Испании: что нужно знать о принцессе Леонор». 2023-jıl 1-noyabr sánesinde túp nusqadan arxivlendi. Qaraldı: 2023-jıl 1-noyabr.
  16. ↑ «Princess Leonor swears her loyalty to Spain’s Constitution on her 18th birthday». 2023-jıl 1-noyabr sánesinde túp nusqadan arxivlendi. Qaraldı: 2023-jıl 1-noyabr.
  17. ↑ «Princess Leonor to undertake first official trip abroad—find out where she’s going!» (en-us). HOLA! USA (2024-jıl 27-iyun). 2024-jıl 21-avgust sánesinde túp nusqadan arxivlendi. Qaraldı: 2024-jıl 13-iyul.
  18. ↑ RTVE.es «Leonor, en su primera visita oficial en Lisboa: "No puedo negar lo especial que es para mí estar aquí hoy"» (es). RTVE.es (2024-jıl 12-iyul). 2024-jıl 23-avgust sánesinde túp nusqadan arxivlendi. Qaraldı: 2024-jıl 13-iyul.
  19. ↑ «Así ha sido el intenso viaje oficial de la Princesa Leonor a Portugal» (es). ¡HOLA! (2024-jıl 12-iyul). 2024-jıl 13-iyul sánesinde túp nusqadan arxivlendi. Qaraldı: 2024-jıl 13-iyul.
  20. ↑ Úlgi:Cw
  21. ↑ Úlgi:Cw

Sırtqı siltemeler

[redaktorlaw | derekti redaktorlaw]
«https://kaa.wikipedia.org/w/index.php?title=Leonor_(Asturiya_malikası)&oldid=265694» saytınan alınǵan