Leopold II (Muqaddes Rim imperiyası imperatorı)

Leopold II
nemecshe Leopold II
Muqaddes Rim imperiyası imperatorı; Avstriya ercgercogi; Bogemiya, Vengriya, Xorvatiya hám Slavoniya, Galiciya hám Lodomeriya patshası;
Wákillik dáwiri 1790-jıl 30-sentyabr — 1792-jıl 1-mart
Aldınǵı isker	Iosif II
Keyingi isker	Franc II
Toskaniyanıń ullı gercogı.
Wákillik dáwiri 1765-jıl 18-avgust — 1790-jıl 22-iyul (Pyetro Leopoldo I degen at penen)
Aldınǵı isker	Franchesko II
Keyingi isker	Ferdinand III
Jeke maǵlıwmatları
Tuwılǵandaǵı atı	Peter Leopold Iosif Anton Ioaxim Piy Gottard
Tuwılǵan sáne	1747-jıl 5-may
Tuwılǵan jeri	Vena, Gabsburglar monarxiyası
Qaytıs bolǵan sáne	1792-jıl 1-mart (44 jasta)
Qaytıs bolǵan jeri	Vena, Gabsburglar monarxiyası
Dinastiyası	Gabsburg-Lotaringiya úyi
Ómirlik joldası	Mariya Luiza Ispaniyalı
Balaları	ulları: Franc II, Ferdinand, Karl Lyudvig, Aleksandr Leopold, Albert, Maksimilian, Anton VIktor, Iogann Baptist, Rayner Iosif, Lyudvig, Rudolf qızları: Mariya Tereziya, Mariya Anna, Mariya Klementina
Anası	Mariya Tereziya
Ákesi	Franc I
Qolı

Leopold II (nemecshe Leopold I; Peter Leopold Iosif Anton Ioaxim Piy Gottard nemecshe Peter Leopold Josef Anton Joachim Pius Gotthard; 1747-jıl 5-may, Vena — 1792-jıl 1-mart, Vena) — 1790-jıldan Germaniya patshası (rim patshası), 1790-jıl 30-sentyabrde Germaniya milletınıń Muqaddes Rim imperiyası imperatorı etip saylanǵan, Franc I hám Mariya Tereziyanıń úshinshi balası.

Biografiyası

Vena qalasında tuwılǵan. Imperator Franc I nıń ekinshi balası Karl óliminen keyin Toskaniya taxtında atasınıń orınbasarı etip tayınlandı hám ákesi óliminen keyin 1765-jıl 18-avgustta Pyotr Leopold I atı menen Toskaniyanı basqarıwǵa kiristi.

Dáslep imperator hayal, markiz Bott hám graf Rozenbergtiń isenimli basshılıǵında, keyinirek óz betinshe Leopold ortasha, biraq izbe-iz ekonomikalıq hám sociallıq reformalardı ámelge asırdı. Sheshekke qarsı sistemalı shanshıw ótkerile basladı. Onıń basshılıǵında 1786-jıl 30-noyabrde Toskaniya Ullı gercoglıǵında ólim jazası biykar etildi (1769-jıldan baslap ólim jazasına haqıyqıy moratoriy engizilgen edi).

1790-jılı Leopold perzentsiz aǵasınan keyin imperator taxtın iyeledi. Mámleket pútkilley buzılıwǵa ushıraǵan edi. Leopold qatlamlıq, milliy hám klerikalıq narazılıqlardı tınıshlandırıwǵa háreket etti, biraq sonıń menen birge ózinen aldıńǵı reformashınıń kóplegen paydalı reformaların (sonıń ishinde, diyxanlar reformaların) biykarladı. Belgiya hám Vengriyada kóterilis bastırıldı; Reyxenbax shártnaması (1790-jıl iyul) menen Prussiyanı Polshadaǵı satıp alıwlardan uslap turiwǵa eristi; Avstriya-Turkiya urısı 1791-jılı Sisto pitimi menen juwmaqlandı.