Máryam Qasımova
| Máryam Qasımova | |
|---|---|
| Tuwılǵan sáne | 1917-jılı |
| Tuwılǵan jeri | Xojeli |
| Qaytıs bolǵan sáne | 1976-jılı |
| Dóretiwshilik túri | poeziya, proza |
| Oqıǵan jeri | Muǵallimler institutı (Tórtkúl) |
Máryam Qasımova (1917-1976) — shayır hám jazıwshı.
Ómir hám miynet jolı
[redaktorlaw | derekti redaktorlaw]M. Qasımova 1917-jılı Xojeli qalasında tuwılǵan.
Ol dáslep Xojelidegi peduchilisheni (1935), sońınan Tórtkúldegi muǵallimler institutın pitkergennen soń (1940) muǵallim bolıp isleydi.
1945-jıldan baslap «Qızıl Qaraqalpaqstan» gazetasında ádebiy xızmetker, 1949-56-jılları «Qaraqalpaqstan» baspasında redaktor, 1956-59-jılları Ózbekstan Telegraf agentliginde redaktor, Qaraqalpaqstan mádeniyat ministrliginde bólim baslıq (1959-62), «Ámiwdárya» jurnalında ádebiy xızmetker (1962-65), al sońǵı jılları ómiriniń aqırına shekem baspa sóz tarqatıw orınlarında jumıs isledi.
M.Qasımova 1957-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Jazıwshınıń «Qosıqlar» (1955), «Qaraqalpaq qızları» (1957), «Qurılısshı» (1959) degen toplamları basılıp shıqtı.
Awdarmashılıǵı
[redaktorlaw | derekti redaktorlaw]Ol A. Muxtardıń «Apalı-sińdiler» (1976) romanın, M. Prishvinniń gúrrińlerin qaraqalpaq tiline awdardı.
M.Qasımova Ózbekstan hám Qaraqalpaqstan Respublikası Joqarǵı Keńesiniń Húrmet jarlıqları menen sıylıqlandı.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0