Mátibay Berdiev
| Mátibay Berdiev | |
|---|---|
| Tuwılǵan sáne | 5-may 1951-jılı (74 jasta) |
| Tuwılǵan jeri | Sarıshúńgil awılı, Xojeli rayonı |
| Dóretiwshilik túri | poeziya |
| Oqıǵan jeri | Ájiniyaz atındaǵı Nókis mámleketlik pedagogikalıq institutı |
| Dóretiwshilik jılları | 1970-jıllardıń ortalarınan |
Ómir hám miynet jolı
[redaktorlaw | derekti redaktorlaw]M. Berdiev 1951-jılı 5-mayda Xojeli rayonı Sarıshúńgil awılında tuwılǵan.
1973-jılı Nókis mámleketlik pedagogikalıq institutın pitkergennen keyin 43-sanlı mektepte qaraqalpaq tili hám ádebiyatı páni muǵallimi, direktordıń oqıw-tárbiya isleri boyınsha orınbasarı bolıp islegen.
1983-1985-jılları Jambıl atındaǵı mekteptin direktorı, «Xojeli haqıyqatı» gazetası redaktorınıń orınbasarı lawazımında islegen.
M. Berdievtıń bunnan keyingi xızmeti tikkeley baspasóz benen baylanıslı.
M. Berdiev 1994-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Dáslepki shıǵarmaları 70-jıllardıń ortalarında kórine basladı. «Ámiwdárya», «Aral» jurnallarında, «Erkin Qaraqalpaqstan», «Qaraqalpaqstan jasları», «Ustaz jolı», «Jipek jolı», «Jetkinshek» gazetalarında bir neshe dúrkin qosıqları járiyalanǵan. Qosıqları qazaq hám noǵay tillerine awdarılǵan.
Onıń «Quyash kúlip qaray basladı» (1992), «Haqıyqatlıq» (1994), «Janǵırıq» («Bilim», 1996), «Mángilik reńler» (1997) hám balalarǵa arnalǵan «Awıl balası» (1997) toplamları jarıq kórgen. Belgili palwan S.Mıltıqbaev haqqında «Palwan-Satıbaldı Mıltıqbaev» atlı kitap tayarlaǵan («Qaraqalpaqstan», 1997).
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0