Malikai Zuxriya dástanı

«Malikai Zuxriya» dástanı — qıssaxanlıq jolı menen atqarılıp kelgen dóretpeler qatarına kiredi. Bul dástannıń usı basılımǵa jiberilip atırǵan arabsha imlasındaǵı nusqası (R-317. No 98352) burın járiyalanbaǵan, avtorı yaki atqarıwshısı haqqında maǵlıwmatlar joq. Qoljazbanı arab imlasınan kirill imlasına ilimiy xızmetker A.R. Idrisov kóshirip, baspaǵa tayarladı. Qoljazbalar fondında bul nusqadan basqa 1961-jılı A. Baltabaevtan Kamal Abibullaev tárepinen jazıp alınǵan puskayet (R-317, No77464) saqlanbaqta. Mazmunı jaǵınan lirikalıq (ashıqlıq) ruwxı dástanlar qatarınan orın aladı. Ondaǵı waqıyalardı bayanlaw usılları kitabıy-jazba dástanlarǵa tán bolǵan qos ashıq-mashıqlardıń bir-birine bolǵan sezimlerin táriyplewden ibarat. Syujetli scenariylerde, shıǵarmalarda, est usıllarınıń úlgileri, milliy úrp-ádet hám salt-dástúrlerimiz haqqındaǵı maǵlıwmatlar jiyi paydalanılǵan.