Mariya Bekbergenova

Mariya Bekbergenova
Tuwılǵan sánesi	3-dekabr 1953-jılı(1953-12-03) (72 jasta)
Tuwılǵan jeri	Moynaq rayonı
Ilimiy tarawı	Filologiya, ádebiyattanıw
Jumıs orınları	Ájiniyaz atındaǵı Nókis mámleketlik pedagogikalıq institutı
Bilim alǵan jeri	Taganrog mámleketlik pedagogikalıq institutı (1971-1976)

Mariya Bekbergenova (1953-jıl 3-dekabr) — ádebiyat izertlewshisi.

Ómir hám miynet jolı

Ol 1953-jılı 3-dekabrde Moynaq qalasında tuwıldı.

1971-jılı Moynaq qalasındaǵı M. V. Lomonosov mektebin pitkerip, 1971-1976-jılları Taganrog mámleketlik pedagogikalıq institutınıń rus tili hám ádebiyatı fakultetinde oqıydı.

M. Bekbergenova xızmet jolın 1976-jılı Ózbekstan Respublikası Ilimler Akademiyasınıń Qaraqalpaqstan bóliminiń N. Dáwqaraev atındaǵı til hám ádebiyat instititutınıń «Ádebiyat teoriyası hám ádebiy baylanıslar» bóliminde úlken laborantlıqtan baslaǵan. Sońınan usı institutta ilmiy xızmetker, ilimiy xatker bolıp islese, soń Ájiniyaz atındaǵı Nókis mámleketlik pedagogikalıq institutınıń qaraqalpaq ádebiyatı fakultetinde dekannıń oqıw isleri boyınsha orınbasarı, 2004-jıldan kafedra docenti wazıypasında islep kiyatır.

M.Bekbergenova 2005-jıldan Jazıwshılar awqamınıń aǵzası.

Ilim jolı

M. Bekbergenovanıń bir qansha ilimiy miynetleri respublikalıq baspa sózde járiyalanǵan.

Ol «Qaraqalpaq ádebiyatında dástúr, miyraslıq hám kórkem awdarmanıń ayrım áhmiyetli máseleleri» (2004) kitabınıń hám «Qaraqalpaq ádebiyatı» (Akademiyalıq liceylerdiń 3-kursı (2007) ushın) sabaqlıqtıń avtorlarınıń biri.

Miynetleri

1. M.Bekbergenova, K.Allambergenov, Q.Orazımbetov, Á.Paxratdinov XX ásir qaraqalpaq ádebiyatı tariyxı Darslik. Tashkent, «Sano-standart», 2018 39 baspa tabaq
2. M.Bekbergenova, K.Allambergenov, Q.Orazımbetov, Z.Bekbergenova Qaraqalpaq ádebiyatı (11-klass ushın sabaqlıq) Darslik. Nókis, «Bilim», 2018 16 baspa tabaq
3. M.Bekbergenova, K.Allambergenov, Á.Paxratdinov «Bozataw» hám tariyxıy shınlıq Wquv qwllanma.  Nókis: NMPI kishi tipografiyası 2014 1,5 b.t
4. M.Bekbergenova, K.Kurambaev Kórkem ádebiyat hám ilim dárbentiniń úlken darǵası. (oqıw kollanba) Wquv qwllanma. Nókis. NDPI tipografiyasi, 2016. 2,5 b.t.
5. M.Bekbergenova Jáhán ádebiyatı. Wquv qwllanma. Tashkent, «Fan va texnologiya»  2019 192 bet.
6. M.Bekbergenova Ulıwma bilim beriw mekteplerinde ádebiy dóretiwshilikti úyretiw máseleleri. Wquv qwllanma, Tashkent, «Tafakkur bustoni» 2019. 128 bet
7. M.Bekbergenova Ádebiyattanıw tiykarları. Wquv qwllanma. Tashkent, «Tafakkur bustoni» 2019. 200 bet

Ádebiyatlar

• Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0