Masturbaciya
Maturbaciya — súykeliw arqalı jınısıy baylanıs sıpatında jınısıy organnıń kóbinese orgazm payda bolǵansha qozǵalıw háreketi[1]. Jalǵız ózi yamasa basqa birew tárepinen qol arqalı (barmaq penen), ayaq arqalı yamasa jınısıy qatnasta bolmastan deneniń basqa bólekleri yamasa jınısıy oyınshıqlar menen isleniwi múmkin[2]. Sherikli masturbaciya — jınısıy sherik penen ótkeriletuǵın masturbaciya bolıp, jınısıy sheriktiń jınısıy organların qol menen qozdırıw (barmaq penen qozdırıw yamasa qol menen qozdırıw) yamasa penetrativ emes jınısıy forma sıpatında paydalanıw múmkin[3][4][5].
Ilimpazlar tárepinen alıp barılıp atırǵan izertlewler nátiyjesinde masturbaciya hár eki jınıstaǵı hár qıylı jastaǵı adamlar tárepinen ámelge asırılatuǵınlıǵı anıqlanǵan. Seksual belsendilik, ásirese, masturbaciya sıyaqlı mashqalalarǵa salamat qatnasta bolıwdıń medicinalıq hám psixologiyalıq jaqtan paydalı tárepleri kóp ekenligi atap ótilgen. Maturaciya hám qandayda bir ruwxıy hám fizikalıq kesellikler arasında sebepli baylanıs bar ekenligi belgili emes[6][7]. Maturbaciya medicina xızmetkerleri tárepinen jınısıy házliktiń normal hám salamat bólegi dep esaplanadı. Búgingi kúnde dinlerdiń masturbaciyaǵa kózqarasları hár qıylı bolıp, ayırımları bunı ruwxıy jaqtan zıyanlı ámeliyat, ayırımları ruwxıy jaqtan zıyanlı emes dep esaplaydı, ayırımları bolsa jaǵdayǵa baylanıslı kózqaras qabıl etedi.
Maturbaciya tariyxqa shekemgi dáwirlerden beri kórkem-ónerde súwretlengen hám júdá áyyemgi jazıwlarda tilge alınǵan hám talqılanǵan. XVIII-XIX ásirlerde ayırım evropalı teologlar hám shıpakerler bunı unamsız sózler menen táriyiplegen, biraq XX ásirde bul tabu sózler ulıwma kemeygen. Kórkem-óner, tanımalı muzıka, televidenie, kino hám ádebiyatta masturbaciyanı talqılaw hám súwretlewdiń artıwı júz berdi. Masturbaciyanıń huqıqıy statusı da tariyx boyınsha ózgergen hám kópshilik mámleketlerde jámiyetlik maydanda masturbaciya nızamǵa qayshı esaplanadı[8]. Haywanlardıń masturbaciyası jabayı tabiyatta da, tutqınlıqta da kóplegen túrlerde baqlanǵan[9][10][11].
Etimologiyası
[redaktorlaw | derekti redaktorlaw]Maturbaciya sózi grekshe mezea (μεζεα, «erkektiń jınıslıq organları») hám latınsha turbare («aralastırıw») sózleriniń qosılıwınan kelip shıqqan dep esaplanadı[12]. Jáne bir etimologiyası — latınsha: manu stuprare («qol menen kirletiw»), «Oksford inglis tili sózligi»nde «eski boljaw» sıpatında sıpatlanǵan.
Derekler
[redaktorlaw | derekti redaktorlaw]- ↑ «Mastürbasyon Takıntısı». Psikolojicom.tr. 12-may 2015-jılda túp nusqadan arxivlendi.
- ↑ Cem Keçe. «Masturbasyon ve Evrim». TavsiyeEdiyorum.com.
- ↑ The SAGE Encyclopedia of Psychology and Gender. SAGE, 15-4-2017 — 1123 bet. ISBN 978-1-4833-8427-6.
- ↑ Sexuality Education Theory And Practice, 2013 — 151 bet. ISBN 978-1-4496-4928-9.
- ↑ Nursing & Health Survival Guide: Health Promotion. Routledge, 2014 — 52 bet.
- ↑ Masturbation as a Means of Achieving Sexual Health. Routledge, 2012 — 7 bet. ISBN 978-0-7890-2047-5.
- ↑ Masturbation. MA: Springer Science & Business Media, 6-12-2012 — 359 bet.
- ↑ ""MASTURBATION—AN OVERVIEW"". «Today, masturbatory act is considered as a healthy practice when done in private and an offence if done in the public in most of the countries» (Journal of Forensic Medicine and Toxicology): 46-49. 2010 iyul-dekabr. http://www.jfmtonline.org/current/masterbation_an_overview.php.
- ↑ Animal Homosexuality: A Biosocial Perspective. Cambridge University Press, 19-8-2010 — 232-235 bet. ISBN 978-1-139-49038-2.
- ↑ Dr. Sylvia Bedford-Guaus. «Breeding Soundness Examination of the Stallion». Petplace.com (29-may 2011-jıl). 28-sentyabr 2019-jılda túp nusqadan arxivlendi.
- ↑ Biological exuberance : animal homosexuality and natural diversity. St. Martin's Press. ISBN 978-0-312-19239-6.
- ↑ «Mastürbasyon». EtimolojiTürkçe.com. 12-mart 2016-jılda túp nusqadan arxivlendi.
