Minayxan Jumanazarova
| Minayxan Jumanazarova | |
|---|---|
| Tuwılǵan sáne | 4-oktyabr 1957-jılı (68 jasta) |
| Tuwılǵan jeri | Erkindárya, Kegeyli rayonı |
| Dóretiwshilik túri | poeziya |
| Oqıǵan jeri | Berdaq atındaǵı Qaraqalpaq mámleketlik universiteti |
| Shıǵarmalarınıń tili | qaraqalpaq tili |
| Belgili pikirleri | «Kóp emes dúnyada qaraqalpaq az»; «Qásterlep abaylań bir-birińizdi» |
Minayxan Jumanazarova (Минайхан Жуманазарова; 1957, Kegeyli rayonı) — shayır.
Ómirbayanı
[redaktorlaw | derekti redaktorlaw]M. Jumanazarova 1957-jılı 4-oktyabrde Kegeyli rayonınıń «Erkindárya» aymaǵında tuwılǵan.
1974-jılı 19-sanlı orta mektepti pitkeredi.
1987-jılı Berdaq atındaǵı Qaraqalpaq mámleketlik universitetiniń filologiya fakultetin tamamlaǵan. Baspa sózde qosıqları 1972-jıldan baslap shıǵa baslaǵan.
M. Jumanazarova 1993-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Onıń 1983-jılı «Jaslar hawazı» almanaxında, sońınan 1986-jılı «Qus jolı» jaslar toplamında qosıqları járiyalandı.
1992-jılı «Elim dep eńiremeseń», 1993-jılı «Júregimde bir dárt bar», 1997-jılı «Álwidaǵ aytpayman, muhabbat», 2003-jılı «Ele men» tańlamalı qosıqlar toplamı, 2001-jılı Tashkent qalasınıń «Sholpan» baspasınan ózbek tilinde «Qálbińizde qalǵım keledi» qosıqlar toplamları basılıp shıqtı.
Túrkiyada shıqqan «Qaraqalpaq ádebiyatı antologiyası» kitabında qosıqları túrk tilinde járiyalandı.
Ol Qaraqalpaqstan radiokanalında bólim baslıq bolıp jumıs isledi.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялық мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0