Mixail Kutuzov

Mixail Illarionovich Golenishev-Kutuzov (russha Михаи́л Илларио́нович Голени́щев-Куту́зов; 1745-jıl 16-sentyabr, Sankt-Peterburg — 1813-jıl 28-aprel, Bunclau) — rus áskerbasısı, mámleketlik ǵayratker hám diplomat, Golenishev-Kutuzovlar áwladınan general-feldmarshal.

Xızmet baslanıwı

General-poruchik Illarion Matveevich Golenishev-Kutuzovtıń (1717-1784) hám onıń hayalı, 1728-jılı tuwılǵan Anna Illarionovnanıń balası. Arxiv hújjetlerine qaraǵanda onıń ákesi octavkadaǵı kapitan Bedrinskiy bolǵan.

Sońǵı waqıtlarǵa shekem Kutuzovtıń qábirine jazılǵan 1745-jıldı tuwılǵan jılı dep esaplaw qabıl etilgen edi. Biraq 1769, 1785, 1791-jıllardaǵı bir qatar formulyar dizimlerde hám jeke xatlardaǵı maǵlıwmatlar onıń tuwılǵan jılı 1747-jılǵa tiyisli bolıwı múmkinligin kórsetedi^[1]^[2]. M. I. Kutuzovtıń sońǵı ómir bayanlarında tap 1747-jıl tuwılǵan dep kórsetiledi^[3]^[4].

Mixail jeti jasınan úyinde oqıydı, 1759-jılı iyulda atası artilleriya iliminen sabaq bergen artilleriya hám injenerlik dvoryanlar mektebine jiberiledi. Sol jıldıń dekabrinde-aq Kutuzov ant beriw hám aylıq tayınlaw menen 1-klass konduktor dárejesin aldı. Qábiletli jigit oficerlerdi oqıtıwǵa tartıldı. Onıń attestatında «francuz hám nemec tillerinde sóyleydi hám ádewir jaqsı awdaradı, latın tilinde avtordı túsinedi» dep jazılǵan edi.

1761-jılı fevralda Mixail mektepti pitkerdi hám graf Shuvalovtıń usınısı boyınsha injener-praporshik ataǵı menen mektepte tárbiyalanıwshılarǵa matematikadan sabaq beriw ushın qaldırıldı. Bes aydan soń Revel general-gubernatorı shaxzada Golshteyn-Beklı fligel-adyutantı boldı.

Golshteyn-Beklı kancelyariyasın epshillik penen basqarıp, 1762-jılı tez arada kapitan dárejesin alıwǵa eristi. Sol jılı Astraxan piyada áskerler polkınıń rota komandiri etip tayınlandı, bul waqıtta polkovnik A. V. Suvorov komandirlik etti.

1764-jıldan Polshadaǵı rus áskerlerınıń sárkardası general-poruchik I. I. Veymarn qaramaǵında bolǵan, Polsha konfederatlarına qarsı háreket etken kishi otryadlarǵa komandirlik etken.

1770-jılı qublada turǵan general-feldmarshal P. A. Rumyancevtıń birinshi armiyasına ótkizildi hám 1768-jılı baslanǵan Turkiya menen urısta qatnastı.

Derekler

↑ "Историки: Кутузов родился на два года позже, чем принято считать". ТАСС. 2015-10-27. Archived from the original on 2015-11-04. https://web.archive.org/web/20151104102415/http://tass.ru/nauka/2382945. Retrieved 2015-11-09.
↑ «Аттестат М. И. Кутузова за 1761 г.». 30-sentyabr 2007-jılda túp nusqadan arxivlendi. Qaraldı: 12-mart 2007-jıl.
↑ Абрамов Е. П. Биография М. И. Кутузова Arxiv nusqa от 25 yanvardıń 2009 на Wayback Machine.
↑ II. Голенищевы-Кутузовы и их родственники Arxiv nusqa от 11 oktyabrdiń 2013 на Wayback Machine. Опочка.

[ТАСС-1] "Историки: Кутузов родился на два года позже, чем принято считать". ТАСС. 2015-10-27. Archived from the original on 2015-11-04. https://web.archive.org/web/20151104102415/http://tass.ru/nauka/2382945. Retrieved 2015-11-09.

[2] «Аттестат М. И. Кутузова за 1761 г.». 30-sentyabr 2007-jılda túp nusqadan arxivlendi. Qaraldı: 12-mart 2007-jıl.

[3] Абрамов Е. П. Биография М. И. Кутузова Arxiv nusqa от 25 yanvardıń 2009 на Wayback Machine.

[4] II. Голенищевы-Кутузовы и их родственники Arxiv nusqa от 11 oktyabrdiń 2013 на Wayback Machine. Опочка.

[1]

[2]

[3]

[4]