Muńlıq-Zarlıq dástanı

«Muńlıq-Zarlıq» dástanınıń Káram jıraw Naǵıymov variantın jırawdıń ózi jazıp tapsırǵan. Eki ulıwma dápterge jazılǵan qoljazba kólemi 381 betten, 8000 qosıq qatardan ibarat. Qoljazba fondında bunnan basqa dástannıń 1976-jılı jazılǵan Esbergen Mırzanov variantı da bar. Dástannıń mazmunı kúndelikli turmıslıq jaǵdaylar menen bayıtılǵanı, mazmunı jaǵınan basqa da turmıslıq dástanlarǵa («Sháryar» hám t.b.) waqıyalarǵa uqsas. Biraq Káram jırawdıń jeke improvizatorlıq sheberligi dástandı ádewir kórkemlik dárejege kótergen.