Murat Kamalov

Murat Kamalov
siyasatshı
Jeke maǵlıwmatları
Tuwılǵandaǵı atı	Murat Kamalov
Tuwılǵan sáne	24-iyun 1955-jılı(1955-06-24) (70 jasta)
Tuwılǵan jeri	Nókis qalası
Milleti	qaraqalpaq
Tálim ornı	KGB joqarı mektebi

Kamalov Murat Kallibekovich — Ózbekstan hám Qaraqalpaqstan mámleketlik ǵayratkeri, 2020-jıldan Qaraqalpaqstan Joqarǵı Keńesiniń baslıǵı hám házirgi waqıtta Ózbekstan Respublikası Senatı baslıǵınıń orınbasarı.

Iskerligi

Murat Kamalov 1955-jılı 24-iyunda Nókis qalasında tuwılǵan. 1977-jılı KGB joqarı mektebin tamamlaǵan.

1987—1990-jılları Ózbekstan Ilimler akademiyasınıń kishi ilimiy xızmetkeri bolıp islegen. 1990—1991-jılları «Konsul» diplomatiyalıq hám basqa oǵan teńlestirilgen sırt el mákemelerine xızmet kórsetiw shólkeminiń bas injeneri bolǵan. 1991—1996-jılları Qaraqalpaqstan Ministrler Keńesi janındaǵı «Qaraqalpaqintorg» sırt mámleketler menen biznes boyınsha birge islesiw associaciyasınıń Tashkenttegi wákilxanasınıń direktorı. 1996—2010-jılları Tashkenttegi Stellor unitar kárxanası basshısı bolıp islegen.

2010—2018-jılları «Haqıyqıy biznes hám másláhát beriwshi agentler ligası» yuridikalıq firmasınıń másláhátshisi. 2018—2020-jılları Mámleketlik qáwipsizlik xızmeti Qaraqalpaqstan boyınsha basqarması baslıǵı. Murat Kamalov Qallibek Kamalovtıń ulı, Ózbekstan Kompartiyası Qaraqalpaqstan oblastlıq komitetiniń birinshi sekretarı (1963-1984).

2020—2022-jıllarda Qaraqalpaqstan Respublikası Joqarǵı Keńesiniń Baslıǵı. 2022-jıl 26-avgust Ózbekstan Respublikası Prezidenti Shavkat Mirziyoev basshılıǵında ótkerilgen sessiyada wazıypasınan azat etildi. Murat Kamalovtıń ornına Amanbay Orınbaev Joqarǵı Keńes baslıǵı etip tayınlandı.