Non ho l'età

«Non ho l'età»
Singl — Gigliola Cinquetti
«Gigliola Cinquetti» albomınan
Til	italyansha
B-tárepi	Sei un bravo ragazzo
Shıǵarılǵan sánesi	1964-jıl 28-yanvar
Janr	ballada
Uzınlıǵı	3:10
Leybl	CGD Records
Qosıq avtorı	Nicola Salerno
Kompozitor	Mario Panzeri
Prodyuser	Mario Panzeri
Xronologiyası

«Non ho l'età (per amarti)» (qaraqalpaqsha Men (seni jaqsı kóriw ushın) ele jaspan), kóbinese tek «Non ho l'età» dep ataladı (aytılıwı [non ˈɔ lleˈta]) — italyan qosıqshısı Gigliola Cinquetti atqarıwındaǵı qosıq. Onıń muzıkasın Mario Panzeri, tekstin Nicola Salerno jazǵan. Qosıq Evrovidenie qosıq tańlawı 1964te Kopengagende Italiyanı sáwlelendirip, tańlaw jeńimpazı boldı. Ol sol jılı Sanremo muzıka festivalında da jeńimpaz bolǵan edi.

Jaratılıw tariyxı

Koncepciyası

«Non ho l'età» qosıǵın kompozitor Mario Panzeri hám avtor Nicola Salerno jazǵan^[1].

Sanremo

1964-jıldıń 30-yanvarı menen 1-fevralı aralıǵında Gigliola Cinquetti (italyansha) hám Patricia Carli (francuzsha) atqarıwındaǵı «Non ho l'età» qosıǵı Sanremo muzıka festivalınıń 14-sanında qatnasıp, jeńimpaz boldı. Festival Radiotelevisione italiana (RAI) tárepinen Evrovidenie qosıq tańlawınıń 9-sanı ushın qosıq hám atqarıwshını saylap alıw ushın paydalanılǵanı sebepli, bul qosıq Evrovidenie ushın Italiyanıń wákili, Cinquetti bolsa atqarıwshı boldı^[2].

Cinquetti qosıqtı italyan, inglis («This is my prayer»), ispan («No tengo edad»), francuz («Je suis à toi»), nemec («Luna nel blu») hám yapon («Yumemiru omoi», 夢みる想い) tillerinde jazdırdı^[1].

Evrovidenie

1964-jıl 21-martta Kopengagendegi Tivolis Koncertsalda Danmarks Radio (DR) shólkemlestiriwinde Evrovidenie qosıq tańlawı ótkerildi hám ol kontinent boyınsha tikkeley efirde kórsetildi. Cinquetti «Non ho l'età» qosıǵın tańlawda on ekinshi bolıp, Portugaliyanıń António Calvário atqarıwındaǵı «Oração» qosıǵınan keyin hám Yugoslaviyanıń Sabahudin Kurt atqarıwındaǵı «Život je sklopio krug» qosıǵınan aldın atqardı. Italiya wákili atqarılatuǵın waqıtta, orkestrdi Gianfranco Monaldi basqarıp bardı^[3]. Onıń atqarıwınıń heshqanday video jazıwı saqlanıp qalınbaǵan, tek radioesittiriwiniń audio jazıwı hám jeńimpaz retinde qaytadan atqarıwınıń (reprise) bir bólegi saqlanıp qalǵan^[4].

Derekler

1 2 «"Non ho l'età" Detailed info and lyrics». The Diggiloo Thrush.
↑ Eddy Anselmi. Festival di Sanremo: almanacco illustrato della canzone italiana. Panini Comics, 2009. ISBN 978-8863462296.
↑ „Eurovision Song Contest 1964“. Eurovision Song Contest. 21 March 1964. DR / EBU.
↑ «Rare broadcast footage of Eurovision 1964 uncovered by Reddit user». ESCXTRA.com. Qaraldı: 2024-jıl 21-mart.

Ótmishlesi: «Dansevise» (atqarıwshı: Grethe hám Jørgen Ingmann)	Evrovidenie qosıq tańlawı jeńimpazları 1964	Miyrasxorı: «Poupée de cire, poupée de son» (atqarıwshı: France Gall)

[DG-1] 1 2 «"Non ho l'età" Detailed info and lyrics». The Diggiloo Thrush.

[2] Eddy Anselmi. Festival di Sanremo: almanacco illustrato della canzone italiana. Panini Comics, 2009. ISBN 978-8863462296.

[3] „Eurovision Song Contest 1964“. Eurovision Song Contest. 21 March 1964. DR / EBU.

[4] «Rare broadcast footage of Eurovision 1964 uncovered by Reddit user». ESCXTRA.com. Qaraldı: 2024-jıl 21-mart.

[1]

[2]

[3]

[4]