Oǵulbay Ǵaylıeva
| Oǵulbay Ǵaylıeva | |
|---|---|
| Оғулбай Қурбанмырадовна Ғайлыева | |
| Tuwılǵan sánesi | 26-oktyabr 1977-jılı (48 jasta) |
| Tuwılǵan jeri | Xojeli rayonı |
| Puqaralıǵı |  Ózbekstan |
| Ilimiy tarawı | filologiya, ádebiyattanıw, túrkiy filologiya |
| Jumıs orınları | Berdaq atındaǵı Qaraqalpaq mámleketlik universiteti |
| Bilim alǵan jeri | Qaraqalpaq mámleketlik universiteti |
| Ilimiy dárejesi | Filologiya ilimleriniń doktorı (DSc, 2019) |
| Ilimiy ataǵı | professor (2023) |
| Belgili isleri | Ǵárezsizlik dáwiri túrkiy xalıqlar lirikası izertlewleri |
| Sıylıqları | Qaraqalpaqstan Xalıq bilimlendiriw aǵlası (2023) |
Ǵaylıeva Oǵulbay Qurbanmıradovna (Оғулбай Ғайлыева; 1977-jıl 26-oktyabr, Xojeli rayonı) — qaraqalpaq ádebiyattanıwshı alımı. Filologiya ilimleriniń doktorı (DSc), professor (2023).
Ómiri
[redaktorlaw | derekti redaktorlaw]1977-jılı 26-oktyabrde Xojeli rayonında tuwıldı. 1995-jılı usı rayondaǵı «Saraykól» awılında orta mektepti tamamlap, Qaraqalpaq mámleketlik universitetiniń filologiya fakultetiniń Túrkmen tili hám ádebiyatı bólimine oqıwǵa kirdi. 1999-jılı oqıwın «ayrıqsha» diplom menen pitkerdi.
Iskerligi
[redaktorlaw | derekti redaktorlaw]1999–2000-jılları Xojeli rayonındaǵı 6-sanlı orta mektepte oqıtıwshı bolıp isledi. 2000–2002-jılları Qaraqalpaq mámleketlik universitetiniń magistraturasında, 2002–2005-jılları aspirantura bóliminde oqıdı. 2002-jıldan baslap universitetiniń Túrkiy filologiya kafedrasında assistent, sońınan oqıtıwshı, docent hám professor lawazımlarında iskerlik júrgizip kelmekte.
Dóretiwshiligi
[redaktorlaw | derekti redaktorlaw]Dissertaciyası
[redaktorlaw | derekti redaktorlaw]2006-jılı «Házirgi qaraqalpaq poeziyasında aralıq formalardıń janrlıq hám formalıq qásiyetleri (1970 – 2000-jıllardaǵı erkin hám nasırıy qosıqlar mısalında)» degen temada kandidatlıq dissertaciyasın jaqladı. 2019-jılı bolsa «Ǵárezsizlik dáwiri túrkiy xalıqlar lirikasında formalıq izlenisler hám olardıń tipologiyası (ózbek, qaraqalpaq hám túrkmen lirikası mısalında)» degen temada doktorlıq (DSc) dissertaciyasın tabıslı qorǵadı.
Ilimiy ataqları hám sıylıqları
[redaktorlaw | derekti redaktorlaw]2011-jılı docent, 2023-jılı professor ilimiy ataqları berildi. 2023-jılı «Qaraqalpaqstan Xalıq bilimlendiriw aǵlası» kókirek belgisi menen sıylıqlandı.
Miynetleri
[redaktorlaw | derekti redaktorlaw]- Ǵárezsizlik dáwiri túrkiy xalıqlar lirikasında formalıq izlenisler hám olardıń tipologiyası (ózbek, qaraqalpaq, túrkmen lirikası mısalında). Monografiya. Nókis, «Bilim», 2018;
- Formalar tipologiyası (ózbek, túrkmen, qaraqalpaq lirikası mısalında). Monografiya. Tashkent, «Firdavs-Shah», 2023.
Ádebiyatlar
[redaktorlaw | derekti redaktorlaw]- ҚАРАҚАЛПАҚ ТИЛИ ҲӘМ ӘДЕБИЯТЫ ҚӘНИГЕЛИГИНЕ 90 ЖЫЛ. НӨКИС. «BILIM». 2025.