Onesiya Saytova

Onesiya Saytova
Onesiya Saytova
Tuwılǵan sánesi	1-fevral 1949-jılı (77 jasta)
Tuwılǵan jeri	Shımbay rayonı, Qaraqalpaqstan ASSR, Ózbekstan SSR, SSRA
Puqaralıǵı	SSRA → Ózbekstan
Kásibi	shıpaker, akusher-ginekolog
Ataqları	«Ózbekstan Qaharmanı» (1997)

Onesiya Saytova (1949-jıl 1-fevral, Shımbay rayonı, Qaraqalpaqstan ASSR, Ózbekstan ASSR, SSSR) — joqarı dárejeli doktor (shıpaker), akusherlik hám ginekologiya — medicina tarawınıń pidáyı wákili. «Ózbekstan Qaharmanı» joqarı ataǵı (1997) iyesi. Ózbekstan Respublikası densawlıqtı saqlaw sistemasınıń kózge kóringen wákillerinen biri.

Biografiyası

Jaslıǵı

Tájiriybeli ginekolog hám akusher shıpaker Onesiya Saytova 1949-jıldıń 1-fevral sánesinde házirgi Qaraqalpaqstan Respublikasınıń Shımbay rayonında tuwılǵan.Orta mektepti tamamlaǵannan soń medicina tarawına qızıǵıwshılıǵı sebepli Ándijan mámleketlik medicina institutına oqıwǵa tapsıradı. Imtihanlardan jaqsı nátiyje menen ótken halda oqıwǵa qabıl qılınadı hám 1972-jılda usı oqıw dárgayın tamamlaydı^[1].

Miynet iskerligi

Joqarı kategoriyalı shıpaker O. Saytova óz iskerligin dáslep, Qaraqalpaqstan Respublikası oraylıq tuwıw úyinde baslaǵan. 1973—1977-jıllar aralıǵında Shomanay rayonında akusher-ginekolog lawazımında iskerlik alıp bardı. 1977-jıldan 1980-jılǵa shekem bolǵan dáwirde Respublika tuwıw úyinde bólim shıpakeri, 1985—1989-jıllarda bolsa Qaraqalpaqstan Respublikası Densawlıqtı Saqlaw ministrliginiń bas akusher-ginekologı sıpatında nátiyjeli jumıs alıp bardı^[1].

Kóp jıllıq tájiriybege iye akusher-ginekolog Onesiya Saytova 1989—1993-jıllar aralıǵında Qaraqalpaqstan Respublikası 1-sanlı tuwıw úyi bas shıpakeri sıpatında, 1993—1999-jıllarda bolsa Qaraqalpaqstan Respublikası Analıq hám Balalıqtı qorǵaw orayı tuwıw úyinde bólim baslıǵı lawazımlarında shın kewilden miynet etedi^[1].

1999—2000-jıllar dawamında Ózbekstan Respublikası Densawlıqtı Saqlaw ministrligi akusherlik hám ginekologiya ilimiy-izertlew institutı Nókis filialı 1-sanlı tuwıw úyi bólimi baslıǵı lawazımında isleydi. 2008-jıldan baslap usı izertlew orayına qaraslı 4-sanlı tuwıw úyi baslıǵı sıpatında iskerlik júritedi. 2015-jıldan Qaraqalpaqstan Respublikası aymaqlıq perinatal orayında patalogiya bóliminde shıpaker ordinator lawazımında jumıs islemekte. Onesiya Saytova kóp jıllar dawamında hayallardıń analıq baxtına miyassar bolıwına sebep bolıp kelgen.Dáslepki miynet iskerligin baslaǵannan berli tájiriybeli shıpaker 3000 nan aslam xirurgiyalıq operaciyalardı unamlı orınlaǵan^[1].

Shıpaker, tájiriybeli ginekolog, kóplegen joqarı dárejeli shıpakerlerdiń ustazı — Onesiya Saytova 1997-jılda medicina tarawındaǵı uzaq múddetli hám nátiyjeli iskerligi ushın minnetdarshılıq sıpatında prezident Islam Karimov pármanına muwapıq, «Ózbekstan Qaharmanı» ataǵı menen sıylıqlanadı^[1]^[2]^[3].

Derekler

1 2 3 4 5 Zaripova, Ra'no ««Oʻzbekiston Qahramoni» unvoni sohibalarining hayoti bilan tanishing». Qaraldı: 19-iyun 2022-jıl.
↑ O'zbekiston milliy axborot agentligi ««Ўзбекистон Қаҳрамони» унвонини олган ўн олти нафар аёл (+сурат)». UzA.uz. Qaraldı: 19-iyun 2022-jıl.
↑ «Oʻzbekiston Qahramoni» unvoni bilan taqdirlangan ayollar kimlar? ««Oʻzbekiston Qahramoni» unvoni bilan taqdirlangan ayollar:». Aniq.uz. Qaraldı: 19-iyun 2022-jıl.

[gujum-1] 1 2 3 4 5 Zaripova, Ra'no ««Oʻzbekiston Qahramoni» unvoni sohibalarining hayoti bilan tanishing». Qaraldı: 19-iyun 2022-jıl.

[2] O'zbekiston milliy axborot agentligi ««Ўзбекистон Қаҳрамони» унвонини олган ўн олти нафар аёл (+сурат)». UzA.uz. Qaraldı: 19-iyun 2022-jıl.

[3] «Oʻzbekiston Qahramoni» unvoni bilan taqdirlangan ayollar kimlar? ««Oʻzbekiston Qahramoni» unvoni bilan taqdirlangan ayollar:». Aniq.uz. Qaraldı: 19-iyun 2022-jıl.

[1]

[2]

[3]