Orınbek Kojurov
| Orınbek Kojurov | |
|---|---|
| Tuwılǵan sánesi | 1910-jılı |
| Tuwılǵan jeri | Tórtkúl |
| Qaytıs bolǵan sánesi | 1954-jılı |
| Jumıs orınları |
|
| Bilim alǵan jeri |
|
Orınbek Kojurov (1910-1954) — sheber dilmash, belgili filolog.
Ómiri hám miynet jolı
[redaktorlaw | derekti redaktorlaw]O. Kojurov 1910-jılı Tórtkúl qalasında tuwılǵan. 1930-jılı Tashkent Politexnikumın tamamlap, 1932-jılǵa shekem suw xojalıǵı tarawında isleydi. 1932-jıldan «Qızıl Qaraqalpaqstan» gazetasında awdarmashı, juwaplı xatker bolıw menen birge qaraqalpaq awızeki ádebiyatın jıynawǵa belsene qatnasadı, 1945-47-jılları Ilim izertlew institutında qaraqalpaq folklorı sektorın basqaradı. 1947-49-jılları «Qızıl Qaraqalpaqstan» gazetasınıń bas redaktorı, 1949-jıldan ómiriniń aqırına shekem Qaraqalpaq mámleketlik baspasınıń sociallıq-ekonomikalıq bóliminin baslıǵı boldı.
O. Kojurov 1939-jıldan Jazıwshılar awqamınıń aǵzası.
Dóretiwshiligi
[redaktorlaw | derekti redaktorlaw]Awdarmashılǵı
[redaktorlaw | derekti redaktorlaw]O.Kojurov L.Tolstoydıń «Xajımurat», A.Tolstoydıń «Ǵálle», M.Gorkiydiń «Izergil kempir», «Suńqar haqqında jır», «Dawılpaz haqqında jır», Vishnevskiydin «Birinshi atlı» shıǵarmaların qaraqalpaq tiline awdarıp bastırǵan. O.Kojurov 1947-jılı Moskvada birinshi ret basılıp shıqqan «Russha-Qaraqalpaqsha sózlik»ti dúziwshilerdiń biri. 1938-1939-jılları «Qaraqalpaqstan ádebiyatı hám iskusstvosı» jurnalında O.Kojurovtıń Q. Ayımbetov penen birgelikte jıynaǵan hám izertlegen qaraqalpaq ádebiyatına tiyisli materialları «Qaraqalpaq ádebiyatınıń túrleri» degen at penen basılıp shıqtı. O. Kojurov «Qırq qız» dástanın rus tiline birinshi sózbe-sóz awdardı.
Onıń shıǵarmalarınıń ayrımları «Shıǵarmalar» degen at penen 1990-jılı basıldı.
Jetiskenlikleri
[redaktorlaw | derekti redaktorlaw]O. Kojurov Qaraqalpaqstan Respublikası Joqarǵı Keńesiniń Húrmet jarlıǵı menen sıylıqlanǵan, Qaraqalpaqstan Respublikası Joqarǵı Keńesiniń deputatı bolıp saylandı.
Ádebiyatlar
[redaktorlaw | derekti redaktorlaw]- Қарақалпақстан Республикасы жазыўшылары (библиографиялык мағлыўмат) / нашрга тайёрловчи 3. Бекбергенова -T .: Extremum press , 2011. 240 бет. ISBN 978-9943-356-45-0