Paydalanıwshı:Invincible Roman

Belbew Haqqinda Mag'lumat

Belbew - áyyemgi kiyim-kenshek buyımlarınan biri bolıp, tiykarınan bılǵarı, teri yamasa basqa tábiyǵıy materiallardan tayarlanǵan belbew esaplanadı; ol biziń eramızǵa shekemgi II mıń jıllıqtan baslap hár qıylı xalıqlar arasında qollanılǵan bolıp, dáslep ápiwayı ámeliy maqsette - kiyimdi bekkemlew hám beldi qolaylı uslap turıw ushın xızmet etken, al keyin ala bezew, sociallıq status belgisi hám hátteki máresimlik áhmietke ie buyımǵa aylanǵan; arxeologiyalıq tabılmalardı biziń eramızǵa shekemgi VIII-VII ásirlerge tiyisli belbewler ushırasadı, skifler, saklar hám túrkiy qáwimler olardı jawıngerlik ásbap-úskeneler sıpatında keńnen paydalanǵan, sebebi belbewge qılısh, pıshaq, oqjay hám basqa da qural-jaraqlar ildirilgen.

Belbew tek ǵana kiyimniń ámeliy bólegi emes, al kóplegen xalıqlardıń mádeniy turmısında simvolikalıq áhmiyetke iye bolgan buyım. Áyemgi dáwirlerde belbew kóbinese jigittiń erjetkenligin bildiretuǵın belgi sıpatında qollanılǵan. Ayırım aymaqlarda jawınger yamasa ańshınıń kúshin ańlatqan. Beldegi hár qıylı naǵıslar, bezekler kóbinese belgili bir urıwǵa, qáwimge tiyisliligin bildirip, sol arqalı adamlar óz jámáátin ajıratıp kórsetken.

Orta ásirlerde belbewler kóbinese sociallıq qatlamına qarap ajıratılgan: ápiwayı adamlar ápiwayı teriden yamasa toqilgan belbewlerden, aqsúyekler hám áskerbasılar bolsa altın, gúmis, merwert hám qımbat bahalı taslar menen bezetilgen ájayıp belbewlerden paydalangan. Bul belbewler tek ǵana bezek emes, al baylıq hám abıray belgisi esaplanǵan.Belbew xalıq awızeki dóretiwshiliginde de ayrıqsha orın ieleydi. Áyyemgi qosıq hám ańızlarda belbeu kóbinese mártlik, batırlıq, sadıqlıq, erlik tımsalı sıpatında tilge alınadı. Máselen, ayırım dástanlarda qaharmannıń urısqa atlanarda belin buwıwı onıń kúshke tolıwın ańlatadı. Bul jaǵday belbewdiń máresimlik hám ruwxıy kúshke ie zat sıpatında qádirlengenligin kórsetedi.

Búgingi kúnde belbew tariyxıy estelik sıpatında muzeylerge qoyılıp, etnografiyalıq izertlewlerde xalıq kiyiminiń ajıralmas bólegi sıpatında úyrenilmekte. Bunnan tısqarı, belbew elementleri zamanagóy modada da ushırasadı: ayırım dizaynerler áyyemgi forma hám naǵıslardan ilhamlanıp, jańa usılda kóylekler jaratadı.

Solay etip, mıń jıllar dawamında belbew insaniyat turmısında áhmietli orın ielep kelmekte: ol tek ǵana ápiwayı belbew emes, al mádeniyat, tariyx, úrp-ádet hám kórkem ónerdiń bay miyrası sıpatında da qádirlenedi.