Wikipedia — erkin enciklopediya
2022-jılı 9-oktyabrde Túrkshe Wikipediada dizimnen óttim hám sol kúni Qaraqalpaqsha Wikipediada da avtomat túrde dizimnen ótip, jıl ayaǵına shekem bar-joǵı 25 redaktorlaw isledim. 2023-jılı 98 redaktorlaw islegen bolsam, kelesi jılı bul kórsetkish 2190 boldı.
2024-jıldan qaraqalpaqsha Wikipedia joybarında tolıq túrde hár kúni jumıs isley basladım. Belsendi iskerligim nátiyjesinde joybardı ele de rawajlandırıw, oǵan administratorlıq úles qosıw maqsetinde 2025-jılı qaraqalpaqsha Wikipedia jámiyeti maǵan isengeni ushın administrator hám interfeys administratorlıǵı statusın berdi.
Men islegen wikijumıslardı mına betten kórseńiz boladı. Sonday-aq, ayırım mayda-shúyde jumıslardı JigildikBotqa islettiremen. Redaktorlawlar arqalı qaraqalpaqsha Wikipedianıń tereńligin, barlıq redaktorlawlar hám hámme betke ortasha dúzetiwler sanın kóbeytkim keledi.
Orta Aziya hám túrkiy tiller Wikipediaları arasında eń keminde tereńligimiz arqalı joqarıda turıwımız kerek. Mısalı, maqalalar sanı boyınsha bizlerden tórt orın joqarıda turǵan (2025-jıl 22-iyun — 440.543 redaktorlaw hám 257,5 tereńlik) arabshanıń Marokko dialektindegi Wikipedianıń ulıwma redaktorlawlar sanı hám tereńligine qarań. Tań qaldırarlıq.
Ishimdegi gápler:
2025-jıldıń 23-iyun sánesine bola, qaraqalpaqsha Wikipediadaǵı kólemi 1000 bayttan kem bolǵan 5440 maqalanı tolıqtırıw kerek. Barlıq maqalalarǵa say kategoriyalardı qosıw kerek. Xalıq punktine baylanıslı hám jıllar tuwralı maqalalardı bir standarqa keltirip, olardı tolıqtırıw kerek. Sebebi, «Tosınnanlı maqala» túymesine basqanda eń kóp shıǵatuǵın maqalalar usılar. Usı sıyaqlı mashqalalardan qutılǵan yamasa azaytqan waqtımızda maqala jaratıwda tolıq túrde dawam etsek boladı.
Húrmetli, qaraqalpaqsha Wikipedia joybarınıń paydalanıwshıları (redaktorlawshıları) maqalalardı redakorlaw barısında tırnaqsha («») hám sızıqshanı (—) durıs paydalanayıq. Maqalanıń kólemi qısqa bolıp qalmawına itibar berip, infoqutıdaǵı kerek bolmaǵan (paydalanbaǵan) parametrlerdi de, múmkin bolsa, maqalaǵa qosıwdan qashıń. Eger siz joybarda administrator bolǵıńız kelse, joybarda hár kúni belsendi bolıp, jańa ózgerislerdi baqlap turıwıńız kerek. Óytkeni, házir qaraqalpaqsha Wikipediada belsendi paydalanıwshılar joq, keminde bizler (administratorlar) belsendi bolıwımız shárt! Házir bizde 4 administrator bar.
|
|
 |
Bul paydalanıwshınıń ruwı – Qıpshaq. |
|
|
wiki úlesim
|
 |
Bul paydalanıwshı Jyul Vernniń shıǵarmaların oqıwdan úlken zawıq aladı. |
|
 |
Bul paydalanıwshı rep tıńlaydı. |
|
 |
Bul paydalanıwshı Cezanıń fanatı. |
|
|
Bul paydalanıwshı Begishtiń fanatı. |
|
