Paydalanıwshı talqılawı:Kumisay
Tema qosıwKitap oqıw miydi shınıqtıradı
Zamanagóy sanlı texnologiyalardıń rawajlanıwı adamlardı kitap oqıwdan biraz shetletip atırǵanday. Biraq kitap oqıw tek insannıń sanasın, dúnyaqarasın rawajlandırıp qoymastan, miydiń xızmetin jedellestirip, qan aylanıw sistemasın jaqsılaydı eken. Britaniyalı neyrofiziologlar alıp barǵan izlenislerde kitap oqıw adam organizmi ushın dene tárbiya shınıǵıwların orınlaw menen birdey paydalı ekenligin dálillegen. Izertlew dawamında kewillilerge monitor arqalı Jeyn Ostinniń «Mensfild baǵı» romanın oqıw wazıypası tapsırılıp, olardıń miyi magnit rezonans tomografiya (MRT) járdeminde tekserilip barıldı. Qatnasıwshılardan kitaptı óz qálewi menen hám tap imtixanlarǵa tayarlanıp atırǵanday tereń máni berip oqıwı talap etiledi. MRT úskenesi alımlarǵa bul oqıw waqtında insan miyinde qannıń aǵımın turaqlı baqlaw imkániyatın bergen. Nátiyjede kitaptı máni bermey oqıwǵa qaraǵanda, maǵlıwmatlardı eslep qalıw ushın berilip oqıǵan waqıtta miyde nerv kletkalarınıń jedelleskeni hám qan aylanıwdıń jaqsı tárepke ózgergeni gúzetiledi. Alımlardıń juwmaǵına qaraǵanda, miyge kelip túsip turǵan hárbir nevrologiyalıq júkleme oǵan unamlı tásir kórsetip, ózine tán shınıǵıw wazıypasın atqaradı. Kitap oqıw miydiń baqlaw, ańlaw sıyaqlı proceslerge juwapker bóleginiń qan menen támiyinleniwin jaqsılaydı. Bunday nátiyjege insan televizor kóriw yamasa kompyuter oyınların oynaw arqalı erise almas eken (gazeta materiallarınan).
Kumisay atlı paydalanıwshı menen talqılawdı baslaw
Talqılaw betlerin paydalanıwshılar Wikipedia saytındaǵı kontentti ilajı barınsha eń jaqsı kóriniske alıp keliw ushın pikir almasıw maydanı sıpatında qollanadı. Siz Kumisay atlı paydalanıwshı menen baylanısıw hám pikirlesiw ushın jańa talqılaw baslawıńız múmkin.